ហេតុអ្វីខែក្ដៅម៉ាស៊ីនត្រជាក់ឧស្សាហ៍ខូច?
- 2016-04-27 18:35:00
- ចំនួនមតិ 0 | ចំនួនចែករំលែក 0
ហេតុអ្វីខែក្ដៅម៉ាស៊ីនត្រជាក់ឧស្សាហ៍ខូច?
ចន្លោះមិនឃើញ
អាកាសធាតុក្ដៅខ្លាំង ដែលពេលខ្លះអាចឡើងរហូតដល់ជាង៤០អង្សារសេបានធ្វើឲ្យមានតម្រូវការប្រើប្រាស់ម៉ាស៊ីនត្រជាក់កាន់តែច្រើន ។ ម៉ាស៊ីនត្រជាក់នៅរដូវនេះឧស្សាហ៍ខូច ពេលខ្លះថែមទាំងមិនសូវត្រជាក់ ទោះបើកទុកចោលរាប់ម៉ោងក៏ដោយ។
ហេតុអ្វីបានជាម៉ាស៊ីនត្រជាក់តែងមានបញ្ហាញឹកញាប់នារដូវក្តៅ? ប្រសិនបើជួបបញ្ហាទាំងនេះ តើត្រូវដោះស្រាយដោយរបៀបណា?
លោក សុខ ខេង អ្នកជំនាញខាងជួសជុល និងដំឡើងម៉ាស៊ីនត្រជាក់បានឲ្យដឹងថា នេះជាការពិត ម៉ាស៊ីនត្រជាក់ចាស់ អាចខូចក្នុងរដូវក្តៅដោយសារវាត្រូវធ្វើការខ្លាំងជាងពេលធម្មតា ពិសេសហ្គាសរបស់ម៉ាស៊ីនត្រជាក់ចាស់ឆាប់រីងលឿងជាងម៉ាស៊ីនត្រជាក់ថ្មី ។
តែម៉ាស៊ីនត្រជាក់ថ្មីខ្លះក៏អាចជួបបញ្ហាដែរ ប្រសិនបើមិនបានដំឡើងត្រឹមត្រូវ ដូចជាស្ទះទឹក ដែលត្រូវបង្ហូរចេញមកក្រៅ ឬក៏ធ្លាយហ្គាសតិចៗ ដែលបញ្ហាទាំងនេះអ្នកប្រើប្រាស់មិនអាចដឹងភ្លាមៗបន្ទាប់ពីដំឡើងឡើយ ។
បើចង់ប្រើប្រាស់ម៉ាស៊ីនត្រជាក់បានយូរ អ្នកជំនាញជួសជុល និងដំឡើងម៉ាស៊ីនត្រជាក់ រូបនេះ បានប្រាប់ពីរបៀបនៃការប្រើប្រាស់ និងថែទាំ ដូចខាងក្រោម ៖
១. ត្រូវកំណត់កាលបរិច្ឆេទទៀងទាត់ដើម្បី ត្រួតពិនិត្យស្ថានភាពម៉ាស៊ីនត្រជាក់ យ៉ាងយូរ ៥ខែម្តង ២.លាងសម្អាត និង បញ្ចូលហ្គាសអោយបានទៀងទាត់ ជៀសវាងស្ងួតហ្គាស ដែលធ្វើអោយម៉ាស៊ីនត្រជាក់ប្រឹងធ្វើការខ្លាំងជាងធម្មតាបណ្តាលអោយឆាប់ឡោកម៉ាស៊ីន ៣. បញ្ចូលហ្គាសបានត្រឹមត្រូវ មិនមានធ្លាយចេញមកក្រៅ ៤. ដោះលាង ទាំងផ្នែកខាងមុខ និងខាងក្រោយឱ្យបានល្អ កុំឲ្យមានសល់កកធូលីដីដែលអាចរារាំងដល់ការបង្កើតភាពត្រជាក់។
អត្ថបទ៖ ដេត លីដា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
