ទូរសព្ទម៉ាកថ្មីស្តង់ដាជប៉ុន Freetel សម្ពោធជាផ្លូវការនៅកម្ពុជា
- 2016-05-15 17:13:00
- ចំនួនមតិ 0 | ចំនួនចែករំលែក 0
ទូរសព្ទម៉ាកថ្មីស្តង់ដាជប៉ុន Freetel សម្ពោធជាផ្លូវការនៅកម្ពុជា
ចន្លោះមិនឃើញ
កាលពីថ្ងៃសុក្រ Freetel បានសហការជាមួយក្រុមហ៊ុនបណ្ដាញទូរសព្ទ Seatel ដោយសម្ពោធទូរសព្ទស៊េរីថ្មីដំបូង Priori 3 ជាទូរសព្ទម៉ាកជប៉ុនដែលមានតម្លៃសមរម្យ គុណភាពស្តង់ដារជប៉ុន សម្រាប់លក់ក្នុងទីផ្សារប្រទេសកម្ពុជា។
កម្មវិធីសម្ពោធបានចាប់ផ្តើម ជាមួយសន្និសីទកាសែតដែលមានសុន្ទរកថាពីថ្នាក់ដឹកនាំរបស់ Freetel និង Seatel ជាមួយវិដេអូជាបទបង្ហាញអំពីម៉ាកសញ្ញាទូរសព្ទ និងម៉ូដែល Priori 3។ បន្ទាប់មកទៀត ក៏មានដំណើរទស្សនាបញ្ជរតាំងបង្ហាញ ដែលសាធារណជនអាចសាកតេស្តប្រើនិងលេងទូរសព្ទ Priori 3 និងកម្មវិធីកម្សាន្តៗជាច្រើន ដែលមានការសំដែង ការលេងហ្គេមនិងការចាប់ឆ្នោតជាដើម។
Priori 3 ជាទូរសព្ទជំនាន់ទី ៣ នៃស៊េរី Priori ដែលជាទូរសព្ទម៉ាកដំបូងដែលដាក់សម្ពោធដោយ Freetel ជាក្រុមហ៊ុនអភិវឌ្ឍទូរសព្ទ Smartphone លំដាប់ទីមួយនៅប្រទេសជប៉ុន។ ដោយសារតែវាជាទូរសព្ទ តំណាងឲ្យជំនាន់ទូរសព្ទស្តង់ដារប្រើបានគ្រប់ស៊ីម Priori 3 មានគោលបំណងបំពេញសេចក្តីត្រូវការរបស់អ្នកប្រើប្រាស់ប្រភេទ Smartphone ដ៏លើសលុប តាមរយៈការផ្តល់តម្លៃសមរម្យ និងសមត្ថភាពការងារ។
លក្ខណៈសំខាន់ៗបី Priori 3 រួមមាន៖ ភាពធន់រឹងមាំបែបជប៉ុន មានច្រើនពណ៌ និងជាឧបករណ៍ដ៏មានថាមពលដែលមានតម្លៃទាប។
Priori 3 ដំណើរការដោយប្រព័ន្ធ Android 5.1 គាំទ្រដោយអ៊ីនធឺណិតល្បឿនលឿន LTE មានកាមេរ៉ា 8MP និងកាន់ថ្មបានយូរ (បន្ថែមកម្លាំងដល់ទៅ ២៣%)។ Priori មកជាមួយមុខងារប្រើស៊ីម ២ ដើម្បីផ្តល់ភាពងាយស្រួលដល់ការប្រើប្រាស់ និងមាន ៦ ពណ៌យ៉ាងស្រស់ស្អាតសម្រាប់ជ្រើសរើសតាមចំណូលចិត្ត។
Priori 3 ត្រូវបានប្រកាសលក់ក្នុងតម្លៃតែ ៦៨ ដុល្លារក្នុងថ្ងៃសម្ពោធ។
ដោយត្រូវបានបង្កើតឡើងក្នុងឆ្នាំ ២០១២ ដោយអតីតនាយកប្រតិបត្តិរបស់ក្រុមហ៊ុន Dell នោះ Freetel បានក្លាយជាក្រុមហ៊ុនផលិតទូរសព្ទឆ្លាតវៃរបស់ជប៉ុន ដែលជំនាញលើការផលិតគ្រឿងទូរសព្ទដោយខ្លួនឯង។
ជាមួយការប្តេជ្ញាចិត្តក្នុងការផ្តល់នូវទូរសព្ទគុណភាពខ្ពស់ តម្លៃទាប Freetel បានបង្ហាញវត្តមានទូរសព្ទដំបូងរបស់ខ្លួនគឺ Freetel Priori នៅជប៉ុនក្នុងខែធ្នូ ឆ្នាំ២០១៣។
សព្វថ្ងៃនេះ Freetel ជាទូរសព្ទអប់ជាប់ Lock ទី ១ ក្នុងទីផ្សារជប៉ុន ហើយមានហាងប្រតិបត្តិការចំនួន ៥០ នៅជប៉ុន។ ក្រុមហ៊ុនបានបង្ហាញពីភាពប្រាកដប្រជាលើគុណភាព និងការផលិតដែលត្រូវបានត្រួតពិនិត្យយ៉ាងម៉ត់ចត់ពីវិស្វករជប៉ុន ដែលមានបទពិសោធន៍ជាង ៤០ ឆ្នាំ។
Freetel បានបង្ហាញវត្តមានជាសាកលចាប់ពី អាមេរិក មិកស៊ីកូ អាស៊ីកណ្តាល សិង្ហបុរី ហុងកុង កូរ៉េខាងត្បូងនិងចិន។ ក្រុមហ៊ុន Singaporean Firm ISP និង South East Asia Telecom (Cambodia) Co.Ltd (SEATEL) ជាតំណាងផ្លូវការនៅក្នុងទីផ្សារកម្ពុជា។
សម្រាប់ព័ត៌មានបន្ថែម សូមចូលទៅកាន់ www.freetel-japan.com៕