U-14នារីកម្ពុជា បញ្ចប់ក្តីសង្ឃឹុមនារីឡាវដោយលទ្ធផល ៣-១ ពាន AFC U-14 Girls

2016-06-02 01:54:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិនារីក្រោមអាយុ ១៤ឆ្នាំកម្ពុជាបានប្រកួតឈ្នះម្ចាស់ផ្ទះក្រុមបាល់ទាត់នារីឡាវក្រោមអាយុ ១៤ឆ្នាំមុននេះបន្តិចដោយលទ្ធផល ៣-១ សម្រាប់ប្រកួតទី២ ក្នុងពូល A នៃពានរង្វាន់ AFC U-14 Girls Regional Championship 2016 ។

គ្រាប់បាល់ជ័យជម្នះរបស់យុវតីកម្ពុជារកបាន២គ្រាប់នៅតង់ទី១ដោយកីឡាការិនី ទីសំណាង នៅនាទីទី៩ និង មូល រស្មី នៅនាទី៣២ និងគ្រាប់ទី៣ដោយកីឡាការិនី ទី សំណាងដដែលនៅនាទី៧០+៣។ ចំពោះក្រុមយុវតីឡាវវិញរកបានដោយកីឡាការិនី BOUASAVANH INTHAVONG នៅនាទីទី៣២។ ការឈ្នះរបស់យុវតីកម្ពុជាគឺបានបន្តឱកាសអ៊ុតសម្រាប់ការប្រកួតលើកទី៣ជាមួយប្រទេសហ្វីលីពីន ដើម្បីបន្តក្តីសង្ឃឹមទៅវគ្គខ្វែង ខណៈក្រុមនារីម្ចាស់ផ្ទះឡាវអស់ឱកាសហើយ បន្ទាប់ពីចាញ់ទាំងពីរប្រកួត។ ឆ្លងកាត់២ប្រកួតដូចគ្នា កម្ពុជា មាន៣ពិន្ទុ ហើយ ថៃ នុិង ហ្វីលីពីន មាន៤ពិន្ទុដូចគ្នា បន្ទាប់ពីក្រុមទាំងពីរស្មើគ្នាថ្ងៃនេះដោយលទ្ធផល ២-២ ខណៈក្រុមម្ចាស់ផ្ទះឡាវមិនទាន់មានពិន្ទុទេ។

ក្រុមកម្ពុជា ថៃ និង ហ្វីលីពីន មិនទាន់មានក្រុមណាឡើងទៅវគ្គបន្តនៅឡើយទេ ដោយត្រូវប្រកួតកាត់សេចក្តីនៅថ្ងៃស្អែកដើម្បីរក២ក្រុមឡើងវគ្គបន្តទៀត៕