ពិតអត់!លទ្ធផលបាក់ឌុបអាចនឹងប្រកាស ២ ឬ៣ថ្ងៃទៀត?

2014-10-29 01:03:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិតហើយលទ្ធផលប្រលងបាក់ឌុប អាចនឹងប្រកាសនៅ ក្នុងរយៈពេល២ឬ៣ថ្ងៃទៀត។ នេះបើតាមប្រសាសន៍ របស់ លោក រស់ សាលីន អ្នកនាំពាក្យក្រសួងអប់រំ យុវជន និងកីឡា។ លោកថា ដំណើរការបូកសរុបពិន្ទុបានច្រើនហើយ។ ដូច្នេះតាមបទពិសោធន៍លើកមុន នឹងអាចចំណាយពេល២ ឬ៣ថ្ងៃទៀតប៉ុណ្ណោះ នឹងត្រូវព្រីនចេញប្រកាសលទ្ធផលផ្លូវការបាន។ "យើងកំពុងបូកពិន្ទុច្រើនហើយ ដូចនេះអាចថា ប្រើពេល២ ទៅ៣ថ្ងៃទៀតប៉ុណ្ណឹងទេ នឹងអាចប្រកាសមុនការគ្រោងទុក”។

ដោយមិនបញ្ជាក់ប្រាប់ពីភាគរយអ្នកជាប់ លោក រស់ សាលីន រៀបរាប់ថា អ្នកជាប់អាចមានចំនួនតិចជាងលើកទី១។ ប៉ុន្តែសូមបេក្ខជន ដែលធ្លាក់កុំបាក់ទឹកចិត្តឲ្យសោះ។ គួរគិតថា សមត្ថភាពយើងមិនដល់ អាចរៀនមួយឆ្នាំទៀត ឬចាប់យកជំនាញណាមួយសមស្រប នឹងសមត្ថភាពរបស់យើង។កុំយកអារម្មណ៍បាក់ទឹកចិត្ត ជាផ្លូវបិទបាំងការគិតរបស់យើងឲ្យសោះ។

មានបេក្ខជនចំនួន ៦៧០០០ នាក់ប្រលងបាក់ឌុបលើកទី២ នេះ ដោយចែកចេញជា ១១៧ មណ្ឌល។ លើកទី១ មានបេក្ខជនជាប់បាក់ឌុប ២៥,៧២ % ៕