តេង លក្ខិណា ស៊ីថ្លៃក្បែរ ១០០០០ដុល្លារអាមេរិក សម្រាប់ស្ប៉តពាណិជ្ជកម្មថៃមួយ
- 2016-06-08 16:35:41
- ចំនួនមតិ 0 | ចំនួនចែករំលែក 0
តេង លក្ខិណា ស៊ីថ្លៃក្បែរ ១០០០០ដុល្លារអាមេរិក សម្រាប់ស្ប៉តពាណិជ្ជកម្មថៃមួយ
ចន្លោះមិនឃើញ
កញ្ញា តេង លក្ខិណា ដែលជាតារាចម្រៀងប្រចាំផលិតកម្ម M ថ្មីៗនេះ មានព័ត៌មានថា បានសហការជាមួយក្រុមហ៊ុនឯកទេសសម្រករាងរបស់ប្រទេសថៃមួយ ថតស្ប៉តពាណិជ្ជកម្មតែសម្រករាង ដោយទទួលបានថ្លៃឈ្នួលពលកម្មក្បែរៗ ម៉ឺនដុល្លារអាមេរិក។ នេះបើតាមប្អូនប្រុសទម្លាយឲ្យដឹង។
លោក តេង ឆេកូ ដែលជាប្អូនប្រុសហើយ ក៏ជាតារាចម្រៀងប្រចាំផលិតកម្ម M ដូចគ្នា បានលើកឡើងថា "បើតាមខ្ញុំដឹងតម្លៃក្នុងការថតស្ប៉តតែសម្រករាងហ្នឹង គឺជិត ១ម៉ឺន ដុល្លារអាមេរិក ដោយបច្ចុប្បន្នបានចាក់ផ្សាយរួចហើយ!"។
លោកបន្ថែមថាកាល ដែលក្រុមហ៊ុនថៃគេសម្រេចយកបងស្រីរបស់ខ្លួន ដើម្បីដើរតួក្នុងស្ប៉តនោះ ដោយសារគេចាប់អារម្មណ៍លើទម្រង់មុខបែបកូនកាត់ខ្មែរ-កូរ៉េ និងចំណុចចម្បងនោះ គឺរាងរបស់នាងតែម្ដង។ លោកបន្តថា ដងខ្លួនបងស្រី សក្ដិសមជាមួយនឹងផលិតផលតែសម្រករាងមួយនោះតែម្ដង ក្រៅពីនេះទៀត សមត្ថភាពគឺជាកត្តាចាំបាច់មួយដែរសម្រាប់ការថតនេះ។ ហើយស្ប៉តពាណិជ្ជកម្មមួយនេះ គឺបានទៅថតនៅប្រទេសថៃផ្ទាល់តែម្ដង។
ពាក់ព័ន្ធនឹងបញ្ហានេះ សាមីខ្លួន តេង លក្ខិណា មិនភ្ជាប់ទំនាក់ទំនងបានទេនៅព្រឹកនេះ៕
អត្ថបទ៖ SAMEDY រូបភាព៖ ហ្វេសប៊ុក តេង លក្ខិណា