លទ្ធផលបាក់ឌុបជាប់ ឬធ្លាក់ នឹងដឹងនៅថ្ងៃស្អែកនេះ!

2014-10-30 13:15:41
ចំនួនមតិ 0 | ចំនួនចែករំលែក 0

ចន្លោះមិនឃើញ

លទ្ធផលប្រលងសញ្ញាបត្រមធ្យមសិក្សាទុតិយភូមិ(បាក់ឌុប) លើកទី២ នឹងត្រូវប្រកាសនៅថ្ងៃទី៣១ ខែតុលា សម្រាប់រាជធានីភ្នំពេញនិងតាមបណ្តារខេត្ត នៅថ្ងៃទី១ ខែវិច្ឆិកា ឆ្នាំ២០១៤។ នេះបើតាមសេចក្តីជូនដំណឹងរបស់ក្រសួងអប់រំយុវជន និងកីឡា។ ដំណើរការប្រកាសលទ្ធផលត្រូវបានធ្វើមុនការគ្រោងទុកនៅថ្ងៃទី៤ ខែវិច្ឆិកា ឆ្នាំ២០១៤។

ប្រភពដដែលបានឲ្យដឹងទៀតថា មណ្ឌលរាជធានីភ្នំពេញ និងខេត្តកណ្ដាលនឹងត្រូវប្រកាសនៅ វេលាម៉ោង ៤ រសៀល។ ចំណែកមណ្ឌលខេត្តផ្សេងទៀត នឹងត្រូវប្រកាសនៅថ្ងៃទី០១ វិច្ឆិកា ២០១៤ វេលាម៉ោង ៨ ព្រឹក។

មានបេក្ខជនជិត ១ម៉ឺននាក់បានបោះបង់ការប្រលងបាក់ឌុបលើកទី២ នៅទូទាំងប្រទេស ខណៈការប្រលងមានបេក្ខជនប្រលងចំនួន ៦៧០០០ នាក់ ដោយចែកចេញជា ១១៧ មណ្ឌល។ លើកទី១ មានបេក្ខជនជាប់បាក់ឌុប ២៥,៧២ %។

មិនខុសពីលើកទី១ បេក្ខជនអាចមើលលទ្ធផលប្រលងប្រលងតាមគេហទំព័រ និងទំព័រ Facebook របស់ក្រសួងផងដែរ៕