ធ្លាយលំដាប់ពិន្ទុបាក់ឌុបរបស់កញ្ញា ស៊ន សៀវម៉ី ម្ចាស់មេដាយមាស

2014-11-01 14:00:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះត្រូវបានអនុញ្ញាតឲ្យជាប់សញ្ញាបត្របាក់ឌុប ដោយស្វ័យប្រវត្តិក៏ពិតមែន។ ប៉ុន្តែគ្មាននរណាម្នាក់ដឹងថា លំដាប់ពិន្ទុប្រលងបាក់ឌុបរបស់ កញ្ញា ស៊ន សៀវម៉ី បានប៉ុន្មាននោះទេ។ ពេលនេះក្រសួងអប់រំយុវជន និងកីឡា បានកំណត់លំដាប់ពិន្ទុ របស់ម្ចាស់មេដាយមាសតៃក្វាន់ដូ រូបនេះ ខណៈលទ្ធផលបាក់ឌុបលើកទី២ ប្រកាសម្សិលមិញ។

ជាបេក្ខនារីមួយរូបប្រលងនៅមណ្ឌលវត្តកោះ មកពីវិទ្យាល័យឫស្សីកែវ កញ្ញា ទទួលបាននិទ្ទេស E គ្រប់មុខវិញ្ញា និងមានលំដាប់ពិន្ទុ ៩៨,៦៤៧។ កញ្ញា ស៊ន សៀវម៉ី ត្រូវបានក្រសួងអប់រំ យុវជននិងកីឡាឲ្យជាប់សញ្ញាបត្របាក់ឌុប ដោយស្វ័យប្រវត្តិ បន្ទាប់ពីបរ៉ាជ័យ ក្នុងការប្រលងលើកទី១។ កញ្ញា មិនបានចំណាយពេលឲ្យបានច្រើននោះទេ ក្នុងការត្រៀមសម្រាប់ការប្រលងលើកទីពីរនេះ ដោយសារតែកញ្ញារវល់នឹងការចូលរួមប្រកួតនៅក្រៅប្រទេស។

កាលពីរសៀលថ្ងៃទី៣ ខែតុលា ក្នុងព្រឹត្តិការណ៍កីឡាទ្វីបអាស៊ី(Asian Games) នៅទីក្រុងអ៊ីឈន (Incheon)ប្រទេសកូរ៉េខាងត្បូង ។ កីឡាការិនី ស៊ន សៀវម៉ី អាយុ១៨ឆ្នាំ ជើងឯកតៃក្វាន់ដូ បានផ្ដួលគូប្រកួតមកពីប្រទេសអ៊ីរ៉ង់ ដោយលទ្ធផល៧ទល់នឹង៤៕