កាល​ពី​ថ្ងៃ​សុក្រ​ទី19​ ខែ​សីហា ក្រុមហ៊ុន​ផលិត​ស្រាបៀរ​កម្ពុជា​ (CBL) បាន​ប្រកាស​សម្ពោធ​លក់​ស្រាបៀ​​អាន់ឆ័រ​ដប​​ ដែល​បាន​រចនា​ឡើង​ជាមួយ​នឹង​រូប​រាង​ថ្មី និង​ការ​វេច​ខ្ចប់​គួរ​ឲ្យ​ទាក់​ទាញនៅ​ក្នុង​កម្មវិធី​ដ៏​ពិសេស​មួយ​ដែល​បាន​ប្រារព្ធ​ធ្វើ​ឡើង​នៅ​សាល​បុរី​កោះ​​ពេជ្រ ដោយ​មាន​ការ​ចូល​រួម​ពី​សំណាក់​តារា​ល្បី​ៗ និង​ភ្ញៀវ​កិត្តិយស​យ៉ាង​ច្រើន​កុះ​ករ ជិត​មួយ​ពាន់​នាក់​។

កម្មវិធី​នេះ​មាន​ឈ្មោះ​ថា កម្មវិធី​ជប់​លៀង​លើ​នាវា (“Anchor Cruise Night”)​ត្រូវ​បាន​រៀប​ចំ​ឡើង​យ៉ាងពិសេស​ដោយ​រួម​បញ្ចូល​នូវ​ទស្សនីយភាព​កម្សាន្ត​សប្បាយ​ៗ​ជា​ច្រើន បាន​ញុំាង​​ឲ្យ​កម្មវិធី​រឹត​តែ ពុំ​អាច​បំភ្លេច​បាន​ ព្រោះ​ថា​អ្នក​ចូល​រួម​បាន​ទទួល​នូវ​បទ​ពិសោធន៍​ថ្មី​ៗ​ ដែល​មិន​ធ្លាប់​មាន​នៅ​ក្នុង​ព្រះរាជាណាចក្រ​កម្ពុជា នោះ​គឺ​ការ​នាំ​មក​នូវ​កម្មវិធី​ជប់​លៀង​បែប​បទ​នៅ​លើ​នាវា​ជាមួយ​នឹង​ការ​រាំ​លេង​កម្សាន្ត ព្រម​ទាំង​បាន​ក្រេប​នូវ​រសជាតិ​ដ៏​ស្រទន់​ពី​ស្រាបៀរ​ អាន់ឆ័រដប​ ដែល​ជា​សមិទ្ធផល​ចេញ​ពី​ខ្សែ​សង្វាក់​ផលិតកម្ម​ដំបូង​នៃ​រោងចក្រ​ផលិត​ស្រាបៀ​កម្ពុជា ។

វត្តមាន​កំពូល​តារា​ល្បី​ៗប្រចាំ​ព្រះ​រាជា​ណា​ចក្រ​កម្ពុជា​ជា​ច្រើន​រូប​ដែល​បាន​អញ្ជើញ​មក​ចូល​រួម​នៅ​ក្នុង​កម្មវិធី​ពិសេស​នេះ រួម​មាន កញ្ញា ឱក សុគន្ធ​កញ្ញា លោក ឆន សុវណ្ណរាជ អ្នក​នាង ពេជ្រ សោភា​ លោក​ ណុប​ បញ្ញារិទ្ធិ (Coach the voice Cambodia Season 2) លោក ថែល ថៃ លោក ឃី សុឃុន អ្នក​នាង សាន ស្រីឡៃ កញ្ញា ឈិន រតនៈ​ (បេក្ខភាព​៤រូ​ប​ចុង​ក្រោយ​ក្នុង​កម្មវិធី The voice Cambodia season 2) ក្រុម​ ក្មេងខ្មែរ និង​ ជី ដេវិដ (ដែល​ជា​ក្រុម​ Original Song​ ពេញ​និយម​សម្រាប់​យុវវ័យ​សម័យ​ថ្មី)។

រឺត​តែ​ពិសេស​ទៅ​ទៀត​នោះ គឺ​វត្តមាន​កំពូល​តារា​ចម្រៀង​ប្រុស​ដ៏​ល្បី​ប្រចាំ​ព្រះ​រាជា​ណា​ចក្រ​កម្ពុជា​គឺ លោក ខេមរៈសិរីមន្ត ។កាន់​តែ​អស្ចារ្យ​ជាង​នេះ​ទៀត គឺ​ពួក​គាត់​បាន​ផ្តល់​នូវ​ភាព​សប្បាយ​រីករាយ​តាម​រយៈ​ការ​សម្តែង​ពញ្ញាក់​អារម្មណ៍​ (Flash Mop)​គ្រប់​ៗ​គ្នា​ និង​ច្រៀង​បទ​ល្បី​ៗរបស់​ខ្លួន​ជូន​ភ្ញៀវ​កិត្តិយស ដែល​នេះ​ជា​ព្រឹត្តការណ៏​ថ្មី​មួយ​ដែល​មិន​ធ្លាប់​មាន​ពី​មុន​មក។

នៅ​ក្នុង​ឱកាស​ពិសេស​នេះ លោក Roland Bala អគ្គនាយក​គ្រប់​គ្រប់​ក្រុមហ៊ុន​ផលិត​ស្រាបៀរ​កម្ពុជា (CBL) បាន​ថ្លែង​អោយ​ដឹង​អំពី​ការ​វិវត្ត​ថ្មី​របស់​ស្រាបៀ​អាន់ឆ័រ ដែល​នឹង​បន្ថែម​នូវ​ភាព​ជោគជ័យ​លើ​ទីផ្សារ​កម្ពុជា ដោយ​ស្រាបៀ​ អាន់ឆ័រ ជា​ស្រាបៀ​ជំរើស​ទី​មួយ​សម្រាប់​យុវវ័យ​សម័យ​ថ្មី។ ស្រាបៀ អាន់ឆ័រ​ដប ផ្តល់​ជូន​អតិថិជន​នូវ​បទ​ពិសោធន៍​ថ្មី​ក្នុង​ការ​ក្រេប​រសជាតិ​ដ៏​ស្រទន់​ពី​ស្រាបៀរ អាន់ឆ័រ តាម​រយៈ​ដប​ដែល​បាន​រចនា​ឡើង​ជា​មួយ​នឹង​រូបរាង​ថ្មី និង​ការ​វេច​ខ្ចប់​ដ៏​ប្រណីត។

ស្រាបៀ អាន់ឆ័រ ត្រូវ​បាន​ផលិត​ឡើង​តាម​រូប​មន្ត​ប្រពៃណី អឺរ៉ុប – អាល្លឺម៉ង់​ក្នុង​ការ​ផលិត​ស្រាបៀ​មាន​រសជាតិ​ស្រាល​ស្រទន់​ចាប់​តាំង​ពី​ឆ្នាំ 1933 ដែល​ជា​ស្រាបៀ​លំដាប់​ថ្នាក់​អន្តរជាតិ ​ មាន​រសជាតិ​ស្រទន់​លើស​គេ ផ្តល់​នូវ​អារម្មណ៍​រីករាយ​ស្រស់​ថ្លា សម្រាប់​មនុស្ស​ពេញ​វ័យ​គ្រប់​ៗ​គ្នា​។

ចាប់​តាំង​ពី​ស្រាបៀ អាន់ឆ័រ ត្រូវ​បាន​លក់​នៅ​លើ​ទីផ្សារ​កម្ពុជា ស្រាបៀ​នេះ​បាន​ល្បី​ដោយ​ម៉ាក​សញ្ញា​គួរ​ជា​ទី​ទុក​ចិត្ត ដែល​បង្កើន​នូវ​ភាព​រីករាយ​អស្ចារ្យ​គ្រប់​កម្មវិធី​របស់​លោក​អ្នក ដោយ​សារ​គុណភាព​ស្តង់ដារ​អន្តរជាតិ ធ្វើ​ឱ្យ​ស្រាបៀ​នេះ​ក្លាយ​ជា​ជម្រើស​ទី​មួយ​សម្រាប់​​​​​មនុស្ស​ភាគ​ច្រើន៕

អត្ថបទៈ ពាណិជ្ជកម្ម