ស្ពាយក្រដាស១យ័នមួយការុងទៅទិញផ្ទះ ធ្វើឲ្យអ្នករាប់វិលមុខ
- 2016-09-14 20:05:20
- ចំនួនមតិ 0 | ចំនួនចែករំលែក 0
ស្ពាយក្រដាស១យ័នមួយការុងទៅទិញផ្ទះ ធ្វើឲ្យអ្នករាប់វិលមុខ
ចន្លោះមិនឃើញ
ប្ដីប្រពន្ធវ័យចំណាស់មួយគូ បានដឹកដៃគ្នាទៅទិញផ្ទះមួយកន្លែង នៅភ្នាក់ងារលក់អចលនទ្រព្យមួយក្នុងទីក្រុងណានយ៉ាង ខេត្តហេណាន ប្រទេសចិន ដោយយកប្រាក់ទៅជាមួយជិតមួយការុងក្រដាស១ ទៅ៥យ័ន ប៉ុណ្ណោះ។
ក្រដាសទាំងនោះទៀតសោត ភាគច្រើនរមូលចូលគ្នា និងទក់ខ្ញុកខ្ញូវ ដែលធ្វើឲ្យម៉ាស៊ីនរាប់មិនកើត។ ដូច្នោះមានតែបុគ្គលិកទេ ត្រូវអង្គុយរាប់ដោយដៃម្ដងមួយសន្លឹកៗ។ ក្រដាសប្រាក់ទាំងអស់ ត្រូវបានចាក់ពង្រាយលើកម្រាលឥដ្ឋ ស្ទើរពេញបន្ទប់ តែមានចំនួនត្រឹមតែ ៣០ ០០០យ័ន ឬជិត ៤៥០០ដុល្លារប៉ុណ្ណោះ។
ប្ដីប្រពន្ធទាំងពីរ បានបើកអាជីវកម្មខ្នាតតូចមួយ ដោយមានគោលបំណងទិញផ្ទះមួយកន្លែង ពេលពួកគាត់ដល់វ័យចូលនិវត្តន៍។ ជាសំណាងល្អ អ្នកទាំងពីរ ត្រូវខាងភ្នាក់ងារជួយបញ្ចុះតម្លៃជូនពិសេស ព្រោះពួកគាត់ខិតខំធ្វើការសន្សំបន្តិចម្ដងៗយ៉ាងលំបាក៕
ប្រែសម្រួល៖ ឡេង ភារុណ
ប្រភព៖ People's Daily
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
