លោកគ្រូតាទុកចិត្តលើ ផល សោភ័ណ្ឌ ឡើងវគ្គផ្តាច់ព្រ័ត្រគូបូតា

2016-09-26 23:25:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹទ្ធាចារ្យ ញ៉ូវ ម៉ាក ទុកចិត្តកូនសិស្សរបស់ខ្លួនគឺកីឡាករ ផល សោភ័ណ្ឌ នឹងឡើងវគ្គផ្តាច់ព្រ័ត្រនៃការប្រកួតដណ្តើមខ្សែក្រវាត់គូបូតារដូវកាលទី៦នេះ។

ព្រឹទ្ធាចារ្យប្រដាល់គុនខ្មែរ ញ៉ូវ ម៉ាក បានឲ្យ Sabay ដឹងថា ចំពោះ ផល សោភ័ណ្ឌ ដែលបានចូលរួមប្រកួតជម្រុះខ្សែក្រវាត់គូបូតារដូវកាលទី៦នេះនឹងឈានដល់វគ្គផ្ដាច់ព្រ័ត្រជាមិនខាន បើទោះជាប្រកួតដំបូងចាញ់ជើងខ្លាំងមកពីឆ័ត្រយោង៩១១ ឡៅ ចន្រ្ទា ក៏ដោយ។ តាមរយៈការបង្វឹកផ្ទាល់ដៃរបស់លោកគ្រូ កីឡាករ ផល សោភ័ណ្ឌ ពិតជាខ្លាំង និងមានសមត្ថភាពហើយមានប្រាជ្ញាស្មារតីរហ័សរហួនក្នុងពេលប្រកួត។

បើនិយាយពីក្បាច់ផ្ដួលវិញ លោកគ្រូក្លឹបតាឡីមានរិទ្ធិរូបនេះថា ផល សោភ័ណ្ឌ ពូកែប្រើដៃបានរហ័សហើយធ្ងន់។ ការប្រើកែងវិញក៏រស់រវើកផងដែរ បើដៃគូរចូលចិត្តវ៉ៃដៃច្បាស់ជាត្រូវ សោភ័ណ្ឌ បត់កែងច្រាសវិញភ្លាម។

ស្តាប់ការលើកឡើងរបស់លោកគ្រូ ញ៉ូវ ម៉ាក

ព្រឹទ្ធាចារ្យ ញ៉ូវ ម៉ាក ជាគ្រូបង្វឹកក្លឹបតាឡីដំរីមានរិទ្ធិ ដែលជាក្លឹបខ្លាំងមួយនៅជាយរាជធានីភ្នំពេញ។ លោកគ្រូជើងចាស់រូបនេះបានបណ្ដុះបណ្ដាលកីឡាករជាច្រើនឲ្យជោគជ័យនិងមានមុខមាត់ក្នុងវិស័យប្រដាល់គុនខ្មែរដូចជា ផល សោភ័ណ្ឌ, អ៊ុំ ចំរើន, ផង់ សុភាព និងជើងខ្លាំងមួយចំនួនទៀត៕

អត្ថបទ៖ នួន ស៊ីណា