រាជទាយាទថៃសុំពន្យារពេលឡើងគ្រងរាជ្យមួយឆ្នាំទៀត

2016-10-17 16:12:40
ចំនួនមតិ 0 | ចំនួនចែករំលែក 0

ចន្លោះមិនឃើញ

បុត្រារបស់ព្រះមហាក្សត្រ អាឌុលយ៉ាដេត គឺរាជទាយាទ មហា វិជ្ជរ៉ាឡុងកន ចង់ឲ្យការឡើងសោយរាជ្យរបស់ទ្រង់ប្រារព្ធឡើងយ៉ាងហោចណាស់មួយឆ្នាំទៀត។ នេះបើតាមមន្ត្រីរដ្ឋាភិបាលបានបញ្ជាក់ឲ្យដឹង។

រាជទាយាទ មហា វិជ្ជរ៉ាឡុងកន រូបភាពផ្ដល់សិទ្ធ៖ Reuters

ព្រះចៅភូមិបុល បានចូលទិវង្គតកាលពីល្ងាចថ្ងៃព្រហស្បតិ៍ ហើយរាជទាយាទអង្គនេះសុំពេលបន្ថែមដើម្បីកាន់ទុក្ខឪពុកជាមួយប្រជារាស្ត្រទូទាំងប្រទេស។ ចំណែក អតីតនាយករដ្ឋមន្រ្តីថៃវ័យ៩៦ឆ្នាំ លោក Prem Tinsulanonda នឹងធ្វើជាព្រះរាជានុសិទ្ធ ឬរាជាជំនួសបណ្ដោះអាសន្ន។

នាយករដ្ឋមន្ត្រីកំពុងកាន់អំណាចលោកប្រាយុទ្ធ បានថ្លែងតាមកញ្ចក់ទូរទស្សន៍កាលពីល្ងាចនៅសៅរ៍ ដោយជំរុញឲ្យប្រជាជនថៃមិនបាច់ព្រួយបារម្ភពីរាជបល្ល័ង្កទំនេរទេ។

រាជទាយាទព្រះជន្ម ៦៤វស្សាខាងលើបញ្ជាក់ថា ព្រះអង្គ និងប្រជារាស្ត្រទាំងអស់សុទ្ធកាន់ទុក្ខដ៏ក្រៀមក្រំ ដូច្នេះគ្រប់ភាគីគួររង់ចាំពេលវេលាកាន់ទុក្ខនេះកន្លងផុតសិន"។ ទោះជាយ៉ាងណា សំណួរទាំងឡាយ ពាក់ព័ន្ធនឹងសមត្ថភាពរបស់រាជទាយាទក្នុងការឡើងគ្រងរាជត្រូវបានច្បាប់ប្រមាថព្រះចេស្ដាការពារយ៉ាងតឹងតែង និងមិនឲ្យមានការពិភាក្សាដោយចំហឡើយ។

ឧត្ដមសេនីយ៍ប្រាយុទ្ធ ដែលបានឡើងកាន់អំណាចតាមរយៈរដ្ឋប្រហារយោធាផ្ដួលរំលំរដ្ឋាភិបាលស្របច្បាប់ ក្នុងឆ្នាំ ២០១៤ បានសន្យាបង្កើតឲ្យមានការបោះឆ្នោតនៅឆ្នាំក្រោយនេះផងដែរ៕