បាត់មុខយូរ តាមពិត យុគ យក្សគីល ធ្វើជាអ្នកនាំភ្ញៀវទេសចរនៅបាត់ដំបង

2016-11-09 00:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

យុគ យក្សគីល ដែលបានបាត់មុខច្រើនឆ្នាំពីសង្វៀនប្រដាល់ តាមពិតបានសំងំខ្លួននៅខេត្តបាត់ដំបង ប្រកបរបជាអ្នករត់ម៉ូតូកង់៣ និងនាំភ្ញៀវទេសចរដើរកម្សាន្តនៅតាមបណ្ដាលរមណីយដ្ឋាននានាក្នុងខេត្តបាត់ដំបងដើម្បីបានប្រាក់ចំណូលចិញ្ចឹមគ្រួសារ។

អតីតជើងខ្លាំង យុគ យក្សគីល បានប្រាប់ឲ្យ Sabay ដឹងថា ខ្លួនបានឃ្លាតឆ្ងាយពីសង្វៀនប្រដាល់គុនខ្មែរអស់រយៈពេលប្រហែលជា៤ទៅ៥ឆ្នាំហើយ។ ក្រោយពេលឈប់ប្រកួតមួយរយៈធំ រូបគេទៅរស់នៅឯខេត្តបាត់ដំបង និងបានប្រកបរបជាអ្នកបើកម៉ូតូកង់៣ ព្រមទាំងពេលខ្លះធ្វើជាអ្នកនាំភ្ញៀវទេសចរណ៍បរទេសដើរទស្សនាតាមរមណីយដ្ឋាននានានៅក្នុងខេត្ត។

អតីតកីឡាករមកពីបាត់ដំបងនេះបន្តទៀតថា លោកអាចនឹងចូលប្រឡូកវិស័យប្រដាល់សេរីវិញនៅពេលខាងមុខ។ បន្ទាប់ពីចប់ការប្រកួតកីឡាជាតិលើកទី១នេះរួចទៅលោកនឹងហ្វឹកហាត់យកកម្លាំងឲ្យខ្លាំងដើម្បីត្រៀមការប្រកួតនាពេលខាងមុខ។

ម្ចាស់មេដាយសំរឹទ្ធកីឡាជាតិលើកទី១នេះ ក៏សំណូមពរដល់បងប្អូនដែលស្រលាញ់ប្រដាល់ខ្មែរ ឲ្យជួយគាំទ្រលោកផង។ លោកថា ប្រសិនចង់ទៅលេងនៅរមណីយដ្ឋាននានាក្នុងខេត្តបាត់ដំបង អាចទំនាក់ទំនងទៅលោកផ្ទាល់បាន។

យុគ យក្សគិល ទើបតែបង្ហាញមុខនៅក្នុងព្រឹត្តិការណ៍កីឡាជាតិលើកទី១កន្លងទៅថ្មីៗនេះ។ បងប្រុស យក្សផ្លែ ម្នាក់នេះប្រកួតប្រភេទកីឡាសកលទម្ងន់៧៥ គីឡូក្រាម ហើយទទួលបានមេដាយសំរឹទ្ធ៕

សូមទស្សនាវីដេអូខាងក្រោម៖