លំបាកប៉ុណ្ណាទម្រាំក្លាយជាតារា K-pop មានកេរ្តិ៍ឈ្មោះ?
- 2016-12-20 07:32:20
- ចំនួនមតិ 0 | ចំនួនចែករំលែក 0
លំបាកប៉ុណ្ណាទម្រាំក្លាយជាតារា K-pop មានកេរ្តិ៍ឈ្មោះ?
ចន្លោះមិនឃើញ
ថ្មីៗនេះក្រុមចម្រៀងស្រីកូរ៉េ DIANA បានមកចូលរួមការប្រគំតន្ត្រី Tuborg ប្រចាំឆ្នាំនៅកម្ពុជា ដោយបានផ្ដល់បទសម្ភាសន៍ពិសេសជាមួយ Sabay ទាក់ទងនឹងការតស៊ូរបស់សិល្បករមួយចំនួនទម្រាំក្លាយជាតារា K-pop។
DIANA លើកឡើងថា ក្រុមចម្រៀងដែលមានប្រជាប្រិយបំផុតនៅ កូរ៉េ គឺក្រុមចម្រៀងស្រី Twice មកពីផលិតកម្ម JYP និង ក្រុមចម្រៀងបុរស BTS មកពីផលិតកម្ម Bighit ហើយពួកគេសុទ្ធតែហ្វឹកហាត់មិនក្រោម ៥ ឆ្នាំនោះទេទម្រាំបានបង្ហាញមុខនៅលើឆាកតន្ត្រី ជាក់ស្ដែង DIANA ក៏ដូចគ្នា សមាជិកក្រុមមួយរូបបានលើកឡើងថា ទម្រាំពួកគេបានបង្ហាញខ្លួនជាក្រុមមួយនេះឡើងត្រូវហ្វឹកហាត់ប្រមាណជា៥ឆ្នាំឬលើសពីនេះ។
DIANA បន្តទៀតថាសម្រាប់ក្រុមចម្រៀង K-Pop នៅកូរ៉េ មានជាច្រើន ក្នុងនោះមានតែក្រុមមួយចំនួនប៉ុណ្ណោះដែលមានកេរ្តិ៍ឈ្មោះល្បី គឺដោយសារក្រុមហ៊ុនរបស់ពួកគេនីមួយៗជ្រើសរើសបទចម្រៀងបានត្រឹមត្រូវ គឺជាក់ស្ដែងក្រុម Twice បទ "Cheer Up” និង "TT” សម្រាប់ BTS វិញគឺ "Fire" និង "Blood Sweat & Tears" ជាបទដែលមានចំនួនលក់បានខ្ពស់នៅកូរ៉េ។
ស្រីស្អាតទាំង៤ បន្ថែមទៀតថាក្រៅពីបទចម្រៀង ក្បាច់រាំ និងម៉ូដសំលៀកបំពាក់ គឺជារឿងមួយដែលសំខាន់ ហើយអ្វីដែលរឹតតែសំខាន់នោះគឺ ជៀសយ៉ាងណាកុំឲ្យមានរឿងអាស្រូវ ប្រសិនបើមានរឿងអាស្រូវកើតឡើងចំពោះសមាជិកមួយរូបណានោះ នៅក្នុងក្រុមទាំងមូលនឹងមានបញ្ហា ដូចជាការសម្រាករយៈពេលវែង ឬអាចឈានទៅដល់ការបំបែកក្រុមតែម្ដង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
