សភាថៃយល់ព្រមកែប្រែរដ្ឋធម្មនុញ្ញតាមសំណើដ៏កម្ររបស់មហាក្សត្រថ្មី

2017-01-13 08:43:10
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋសភាយោធាថៃបានទទួលសំឡេងគាំទ្រច្រើនលើសលប់ពីការបោះឆ្នោតនៅព្រឹកថ្ងៃសុក្រនេះ ដើម្បីធ្វើវិសោធនកម្មរដ្ឋធម្មនុញ្ញស្នើដោយការិយាល័យព្រះមហាក្សត្រថ្មីដោយពន្យារពេលបោះឆ្នោតសកលដែលគ្រោងធ្វើនៅចុងឆ្នាំ២០១៧។

ស្ដេចថ្មី មហា វ៉ាជីរ៉ាឡុងកន (រូបភាពផ្ដល់សិទ្ធិដោយ Reuters)

រដ្ឋធម្មនុញ្ញគាំទ្រដោយយោធានេះ គឺជាផ្នែកដ៏សំខាន់មួយនៃគម្រោងរបស់យោធាដើម្បីធ្វើការបោះឆ្នោតឲ្យប្រទេសថៃត្រលប់ទៅរកប្រជាធិបតេយ្យឡើងវិញ ក្រោយរដ្ឋប្រហារឆ្នាំ ២០១៤។

សេចក្ដីព្រាងរដ្ឋធម្មនុញ្ញត្រូវបានអនុម័តបែបប្រជាមតិកាលឆ្នាំមុន និងកំពុងរង់ចាំការអនុម័តចុងក្រោយពីព្រះមហាក្សត្រ មហា វ៉ាជីរ៉ាឡុងកន ដែលបានឡើងគ្រងរាជសម្បត្តិកាលពីខែធ្នូ បន្ទាប់ពីបិតា អាឌុលយ៉ាដេត ចូលទិវង្គត។

ការប្រកាសឲ្យប្រើធម្មនុញ្ញថ្មីត្រូវបានផ្ញើជូនមហាក្សត្រអនុម័តកាលពីខែវិច្ឆិកាជាមួយការរំពឹងថានឹងសម្រេចនៅដើមខែកុម្ភៈ។

នាយករដ្ឋមន្ត្រីថៃលោក ប្រាយុទ្ធ បញ្ជាក់ថាការិយាល័យមហាក្សត្រថ្មីបានដាក់សំណើការកែប្រែលក្ខខណ្ឌមួយចំនួនទាក់ទងនឹងអំណាចមហាក្សត្រក្នុងសេចក្ដីពង្រាងច្បាប់ធម្មនុញ្ញ គឺជាអន្តរាគមន៍ដ៏កម្រកើតមានពីមហាក្សត្រកំពុងសោយរាជ្យ។ ការកែប្រែមួយក្នុងចំណោមនោះ គឺលក្ខខណ្ឌអនុញ្ញាតឲ្យព្រះមហាក្សត្រយាងចេញទៅបរទេសដោយមិនចាំបាច់មានការតែងតាំងរាជានុសិទ្ធឲ្យគ្រប់គ្រងជំនួស។

មហាក្សត្រ វ៉ាជីរ៉ាឡុងកន តែងតែទៅបរទេសញឹកញាប់អំឡុងពេលព្រះអង្គត្រូវបានតែងតាំងជារជ្ជទាយាទ និងចំណាយពេលវេលាជីវិតយុវវ័យជាច្រើននៅក្រៅប្រទេស ដោយភាគច្រើននៅប្រទេសអាល្លឺម៉ង់។

សមាជិកសភាទាំងអស់ចំនួន ២៣១រូប មាន២២៨រូប បានបោះឆ្នោតគាំទ្រការកែប្រែនេះ ដោយ៣សំឡេងអនុប្បវាទ។ បើយោងទៅតាមសមាជិកសភាមួយរូបលោក Somjet Boonthanom បានប្រាប់ថាការបោះឆ្នោតនឹងប្រព្រឹត្តមុនពាក់កណ្ដាលឆ្នាំ ២០១៨ ពោលគឺបន្ទាប់ពីធម្មនុញ្ញចូលជាធរមានបាន១៥ខែ៕