គុណវិបត្តិនៃការផឹកគ្រឿងស្រវឹងរាល់ថ្ងៃ និងវិធីផ្តាច់ការញៀន

2017-01-31 05:00:48
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅកម្ពុជា មានគ្រឿងស្រវឹងផ្សេងៗ ដែលប្រជាពលរដ្ឋមួយចំនួនប្រើប្រាស់ដូចជា ស្រា ស្រាបៀរ ស្រាស ស្រាថ្នាំ និងទឹកត្នោតជូរជាដើម។ មនុស្សមួយចំនួន ចូលចិត្តប្រើប្រាស់គ្រឿងស្រវឹង ព្រោះវាអាចធ្វើឲ្យពួកគេ មានអារម្មណ៍សប្បាយ បានរសាយពីភាពមួរហ្មង ឬទុក្ខកង្វល់ ភ្លេចអស់នូវទុក្ខព្រួយ និងបញ្ហាស្មុគស្មាញនានា។ យ៉ាងណាមិញ ការទទួលទានភេសជ្ជៈស្រវឹងទាំងនោះរាល់ថ្ងៃ អាចបង្កឲ្យពួកគេប្រឈមនឹងគ្រោះថ្នាក់ជាច្រើន។

តាមការណែនាំ របស់អង្គការចិត្តសង្គម អន្តរវប្បធម៌ នៃកម្មវិធីសុខភាពផ្លូវចិត្ត បានបង្ហាញពីផលលំបាក នៃការសេពគ្រឿងស្រវឹងដូចខាងក្រោម៖

មិនអាចគិតគូរ ធ្វើកិច្ចការងារបានល្អប្រសើរ
បាត់បង់ការចងចាំ (ខូចខួរក្បាល)
ខាតបង់លុយ ពេលវេលា
អាចឈានដល់ការបង្កហិង្សាក្នុងគ្រួសារ នាំឲ្យបាត់បង់កិត្តិយស
ងាយមានទំនាស់ជាមួយមិត្តភក្តិ ឬអ្នកជិតខាង
អាចមានគ្រោះថ្នាក់ក្នុងពេលធ្វើការងារ ឬមានគ្រោះថ្នាក់ចរាចរ
បង្កឲ្យមានជំងឺក្រពះ ឈឺថ្លើម ក្រិនថ្លើម មហារីកថ្លើមជាដើម ក្អួតឈាមជាដើម ។ល។
មានអារម្មណ៍ធ្លាក់ទឹកចិត្ត គិតចង់សម្លាប់ខ្លួន ឬសម្លាប់ខ្លួនក្នុងករណីខ្លះ...។

វិធីមួយចំនួនក្នុងការបញ្ឈប់ ការញៀនភេសជ្ជៈស្រវឹង

ដើម្បីជាគន្លឹះក្នុងការ បញ្ឈប់ទម្លាប់សេពគ្រឿងស្រវឹងដោយខ្លួនឯង គ្លីនិក នៃអង្គការចិត្តសង្គម អន្តរវប្បធម៌ នៃកម្មវិធីសុខភាពផ្លូវចិត្តបានណែនាំពីវិធីមួយចំនួនដូចខាងក្រោម៖

រំលឹក និងដឹងខ្លួនឯងថា ការញៀនគ្រឿងស្រវឹង នឹងនាំឲ្យមានបញ្ហាធំ ប៉ះពាល់ដល់ខ្លួនឯង និងគ្រួសារ។
កាត់បន្ថយបរិមាណ នៃការប្រើប្រាស់គ្រឿងស្រវឹង បន្តិចម្តងៗជាលំដាប់ដោយការតាំងចិត្ត។
ព្យាយាមផ្លាស់ប្តូរទម្លាប់ប្រើប្រាស់គ្រឿងស្រវឹង ដោយព្យាយាមធ្វើកិច្ចការការងារប្រយោជន៍ ដូចជាធ្វើកិច្ចការផ្ទះ លាងចាន បោកខោអាវ ជួយដាំស្លជាដើម ឬទៅលេងកីឡា ដើម្បីទ្រទ្រង់សុខភាពឲ្យបានល្អជាដើម។
រកជំនួយពីគ្រូពេទ្យ ឬអ្នកឯកទេសផ្តល់ប្រឹក្សាដើម្បីពិគ្រោះ យោបល់ប្រសិនបើ មានការលំបាក ឬកើតមានរោគសញ្ញា នៅពេលផ្តាច់គ្រឿងស្រវឹង៕

អត្ថបទ៖ មាន រតនា

ពាក្យទាក់ទង

សុខភាព និងសម្រស់

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

កុំរង់ចាំយូរ! ងាកមកប្រើប្រាស់អេប Wing Bank ស្កេន QR ដកប្រាក់ដោយឥតគិតថ្លៃ និង គ្មានដែនកំណត់

កម្មវិធីដាំដើមឈើ Green Oasis ចូលរួមចំណែកជាមួយសហគមន៍នៅជ្រោយចង្វារ

រយៈពេល ៨ ខែភ្ញៀវទេសចរបរទេស មកទស្សនារមណីយដ្ឋានអង្គរជិត ៦៧ ម៉ឺននាក់

លោកជំទាវ ជា សេរី ទទួលបានចំណាត់ថ្នាក់ A- ពី Global Finance សម្រាប់ភាពជោគជ័យក្នុងការដឹកនាំ

អង្គរវត្តត្រូវបាន TripAdvisor ជ្រើសរើសជាតំបន់ទេសចរណ៍ លេខមួយ នៅអាស៊ី ប្រចាំឆ្នាំ ២០២៥

ម៉ាឡេស៊ី បង្ហាញការគាំទ្រក្នុងការពង្រីកគម្រោងបៃតង នៅកម្ពុជា