មែនទែនហើយ ពូឃ្លាំង ប្រកាសវិលវិញ នាំសុទ្ធតែ Original Song

2017-02-16 02:24:51
ចំនួនមតិ 0 | ចំនួនចែករំលែក 0

ចន្លោះមិនឃើញ

DJឃ្លាំង ហៅពូឃ្លាំង ដែលបានផ្អាកសិល្បៈមួយរយៈធំ រត់ទៅបើកជំនួញថ្មីជាមួយភរិយានៅខេត្តព្រះសីហនុ ពេលនេះបានប្រកាសវិលវិញហើយ ដោយលោកបង្ហើបថា នឹងនាំ Original Song១វ៉ុលពេញ ក្នុងពេលឆាប់ៗខាងមុខនេះ។

លោកបានបង្ហាញការវិលវិញនេះក្នុងវីដេអូLive កាលពីម្សិលមិញ ដោយប្រាប់ថា អាចនឹងធ្វើឡើងក្នុងកំឡុងចូលឆ្នាំខ្មែរនេះ។ ហើយបច្ចុប្បន្នខ្លួនកំពុងតែប្រកាសស្វែងរកក្រុមហ៊ុនដៃគូ ដែលចង់រកស៊ីជាមួយខ្លួន ជុំវិញការផលិតបទចម្រៀងទាំងនោះឡើង។

ពូឃ្លាំងបានបង្ហាញជំនឿជាក់ថា ខ្លួននឹងធ្វើឲ្យបានល្អបំផុត មិនធ្វើឲ្យតែរួចពីដៃឡើយ។ បច្ចុប្បន្នបទចម្រៀងមាននៅក្នុងដៃអស់រួចហើយ ដោយលោកបញ្ជាក់ថា សុទ្ធតែជា Original Song ទាំងអស់ ក្នុងនោះមានអ្នកភ្លេងល្បីឈ្មោះម្នាក់សហការជាមួយ។

មូលហេតុដែលនាំឲ្យម្ចាស់បទ"ពូឃ្លាំងជួយថែសិល្បៈដូនតា"វិលវិញត្រូវបានលោកបញ្ជាក់ថា ក៏ព្រោះតែការស្រលាញ់មិនអាចកាត់ផ្ដាច់បាន។ ជាងនេះទៅទៀត លោកចង់ចូលរួមចំណែកជួយដល់សង្គមតាមរយៈសិល្បៈ។ ជាមួយគ្នានោះពូឃ្លាំងសង្ឃឹមថា ភរិយា ក៏ដូចជាសាច់ញាតិ ព្រមទាំងអ្នកគាំទ្រខ្លួនកន្លងមក នឹងជួយលើកទឹកចិត្ត។

សូមស្ដាប់វីដេអូLive ទាំងស្រុងរបស់ពូឃ្លាំង ជុំវិញការប្រកាសវិលចូលសិល្បៈវិញទាំងអស់គ្នា៖

អត្ថបទ៖ ខុត សីហា