ដឹងអត់! មុនរៀបការនឹងគ្នា ត្រូវមើលសម្ពង្សឆ្នាំកំណើតជាមុនសិន ការពារកុំអោយជួបរឿងស៊យ

2017-02-20 02:56:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាការពិតណាស់ តាំងពីសម័យបុរាណកាលមក ខ្មែរយើងតែងមានជំនឿលើការផ្គូផ្គងធាតុសម្ពង្សនៃឆ្នាំកំណើតរបស់កូនប្រុស និង កូនស្រីជាមុនសិន ទើបឈានដល់ការរៀបអាពាហ៍ពិពាហ៍ជាក្រោយ។ ប្រការនេះគឺមានបំណង ចង់អោយកូនប្រុសស្រី អាចរស់នៅជាមួយគ្នាប្រកបដោយសិរីសួស្ដី រកស៊ីមានបាន និង ការពារកុំអោយជួបវាសនាមិនល្អទៅថ្ងៃក្រោយជាដើម។ ខាងក្រោមនេះគឺជាក្បួនផ្គូផ្គងសម្ពង្សដែលមាននៅក្នុងតម្រាព្រហ្មជាតិរបស់ខ្មែរយើង៖

ជាដំបូង អ្នកត្រូវមើលសម្ពង្សខ្លួនឯងជាមុនសិនគឺ ៖ ឆ្នាំជូតពង្សទេព្ដាប្រុស ឆ្នាំឆ្លូវពង្សមនុស្សប្រុស ឆ្នាំខាលពង្សយក្ខស្រី ឆ្នាំថោះពង្សមនុស្សស្រី ឆ្នាំរោងពង្សទេព្ដាប្រុស ឆ្នាំម្សាញ់ពង្សមនុស្សប្រុស ឆ្នាំមមីពង្សទេព្ដាស្រី ឆ្នាំមមែពង្សទេព្ដាស្រី ឆ្នាំវកពង្សយក្សប្រុស ឆ្នាំរកាពង្សយក្សប្រុស ឆ្នាំចពង្សយក្ខស្រី និង ឆ្នាំកុរពង្សមនុស្សស្រី។ បន្ទាប់មកអ្នកអាចមើលការផ្គូផ្គងសម្ពង្សដូចខាងក្រោមនេះ៖

១ ទេព្ដាប្រុស និង ទេព្ដាស្រី ទំនាយទាយថា រស់នៅជាមួយគ្នាល្អណាស់ នឹងបានកូនជាទីស្រលាញ់ រូបរាងស្អាតល្អ។

២ ទេព្ដាប្រុស និង មនុស្សស្រី ទំនាយទាយថា រស់នៅជាមួយគ្នាល្អជាមធ្យម បានកូនស្មើគ្នាមួយម្នាក់ តែច្រើនកើតហេតុប្រកួតប្រកាន់នឹងគ្នា អាចត្រូវព្រាត់ចាកឆ្ងាយពីគ្នា ប៉ុន្តែយូរទៅទើបបានជួបគ្នាវិញដូចព្រះរាម និង នាងសិតា។

៣ មនុស្សប្រុស និង មនុស្សស្រី ទំនាយទាយថា រស់នៅជាមួយគ្នាល្អ និង មានកូនជាមួយគ្នា។ កាលដើមទីស្រលាញ់គ្នាណាស់ លុះយូរទៅព្រាត់ចាកពីគ្នា ប៉ុន្តែគង់នឹងបានជួបគ្នាវិញដូចព្រះសុធន និង នាងកែវមនោរា។

៤ ទេព្ដាប្រុស និង យក្ខស្រី ទំនាយទាយថា រស់នៅជាមួយគ្នាគ្រាន់តែយ៉ាងកណ្ដាល និង មានកូនជាមួយគ្នាច្រើន។ មានពាក្យពេចន៍មិនស្របស្រួលនឹងគ្នា ហើយឆាប់ប្រកាន់អាងអំណាចរៀងខ្លួន។

៥ មនុស្សប្រុស និង មនុស្សស្រី ទំនាយទាយថា រស់នៅជាមួយគ្នាប្រសើរណាស់ ជាមហាឧត្ដមអាយុយឺនយូរ។ មានកូនងាយចិញ្ចឹម និង នាំលាភផ្សេងៗចម្រើនដល់ឪពុកម្ដាយ។

៦ មនុស្សប្រុស និង យក្ខស្រី ទំនាយទាយថា រស់នៅជាមួយគ្នាស្រលាញ់គ្នាគ្រាដំបូង លុះយូរទៅក៏នឹងត្រូវព្រាត់ប្រាស់គ្នា។

៧ យក្សប្រុស និង មនុស្សស្រី ទំនាយទាយថា រស់នៅជាមួយគ្នាមិនល្អនោះឡើយ។ ពេលមានកូនថ្មីៗ មានចិត្តស្រលាញ់គ្នា លុះយូរបន្តិចទៅ នឹងត្រូវព្រាត់ប្រាស់ពីគ្នា។

៨ យក្សប្រុស និង យក្ខស្រី ទំនាយទាយថា រស់នៅជាមួយគ្នានឹងបានសេចក្ដីសុខ គ្មានហ្មងសៅ និង មានកូនជាមួយគ្នា។ ប៉ុន្តែបើពេលឈ្លោះទាស់ទែងគ្នាវិញ គឺរមែងអាងឫទ្ធិរៀងៗខ្លួន។

ប្រែសម្រួល៖ ចន្ថា

តម្រាព្រហ្មជាតិ

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

ទទួលរង្វាន់ធំដ៏អស្ចារ្យពី បុរីភ្នំពេញថ្មី មិនថាទិញផ្ទះវីឡាប្រណិត ឬផ្ទះអាជីវកម្មរដូវភ្ជុំបិណ្ឌនេះ

កុំរង់ចាំយូរ! ងាកមកប្រើប្រាស់អេប Wing Bank ស្កេន QR ដកប្រាក់ដោយឥតគិតថ្លៃ និង គ្មានដែនកំណត់

កម្មវិធីដាំដើមឈើ Green Oasis ចូលរួមចំណែកជាមួយសហគមន៍នៅជ្រោយចង្វារ

រយៈពេល ៨ ខែភ្ញៀវទេសចរបរទេស មកទស្សនារមណីយដ្ឋានអង្គរជិត ៦៧ ម៉ឺននាក់

លោកជំទាវ ជា សេរី ទទួលបានចំណាត់ថ្នាក់ A- ពី Global Finance សម្រាប់ភាពជោគជ័យក្នុងការដឹកនាំ

អង្គរវត្តត្រូវបាន TripAdvisor ជ្រើសរើសជាតំបន់ទេសចរណ៍ លេខមួយ នៅអាស៊ី ប្រចាំឆ្នាំ ២០២៥