បច្ចេកវិទ្យា AR អាចមើលរឿង Trailer បានទៀតមិនថាហូលីវូដ

2017-02-21 08:26:53
ចំនួនមតិ 0 | ចំនួនចែករំលែក 0

ចន្លោះមិនឃើញ

Sabay Osja គ្រោងបន្ថែមមុខងារថ្មីមួយទៀតលើបច្ចេកវិទ្យា Osja AR ដែលអនុញ្ញាតិឲ្យប្រិយមិត្តអាចមើល Trailer រឿងបានក្នុងពេលដ៏ខ្លីខាងមុខនេះ។

លោក អៀ អ៊ុយ ស្ថាបនិកក្រុមហ៊ុន Sabay Osja

លោក អៀ អ៊ុយ ស្ថាបនិកក្រុមហ៊ុន Sabay Osja បានឲ្យដឹងនៅព្រឹកនេះថា កម្មវិធី Osja AR នឹងមានបន្ថែមមុខងារថ្មីប្លែកមួយទៀតដែលអ្នកទាំងអស់គ្នាប្រាថ្នាចង់ឃើញ ដោយគ្រាន់តែមានផ្លាកមួយដែលមានបិទឈ្មោះថា Osja AR Enable នោះវានឹងបង្ហាញនូវរូបភាពមានចលនាដូចតួអង្គយក្សល្ខោន តួអង្គរាំរបាំក្ងោកជាដើម។

ជាងនេះទៀត លោកបានឧបមាថា មានក្រដាសផ្សាយពាណិជ្ជកម្មមួយសន្លឹក ឬក្រដាសផ្សាយរឿងហូលីវូដមួយដែលមានតែរូបគ្មានចលនា ពេលនោះអ្នកទាំងអ្នកអស់គ្នាគ្រាន់តែមាន Osja AR វានឹងអាចបង្ហាញជាវីដេអូខ្លីៗដូចជា Teaser ចម្រៀងឬ Trailer រឿងពីក្នុងក្រដាសនោះបានតែម្ដង។

ចំណែកមុខងារថ្មីមួយទៀតដែលត្រៀមនឹងចេញនៅលើ iOS ដែរនោះគឺ មុខងារថតវីដអូជាមួយរូបបែប Animation មានចលនាថែមពីលើ ដែលមើលទៅកាន់តែទាក់ទាញនិងអស្ចារ្យថែមមួយកម្រិតទៀត៕

ទស្សនាវីដេអូលម្អិតពីគម្រោងអស្ចារ្យនេះ