គូស្នេហ៍មួយគូ បានដើរលេងច្រើនប្រទេស ហើយរកលុយបានកប់ក្តោងទៀត គ្រាន់តែធ្វើបែបនេះសោះ

2017-04-05 09:20:44
ចំនួនមតិ 0 | ចំនួនចែករំលែក 0

ចន្លោះមិនឃើញ

គូស្នេហ៍មួយគូ មានឈ្មោះថា Jack Morris និង Lauren Bullen បានរស់នៅក្នុងជីវិតមួយ ដែលអ្នកនិយមលេងអ៊ីនធឺណិតហៅថា «Life Goals» ក្រោយពីពួកគេទាំង២នាក់ បានជួបគ្នា នៅឯប្រទេសហ្វីជី (Fiji) កាលពីឆ្នាំមុន។

Jack Morris និង Lauren Bullen

គូស្នេហ៍ខាងលើ តែងចំណាយពេលដើរលេងកម្សាន្ត នៅទីកន្លែងស្អាតៗជាច្រើន នៅជុំវិញពិភពលោក ហើយក្នុងនោះក៏មាន ប្រទេសកម្ពុជា ផងដែរ។ ជាមួយគ្នានេះ ពួកគេតែងតែថតរូប រួចបង្ហោះនៅលើបណ្ដាញសង្គម។ ការដើរលេង និងថតរូបរបស់គូស្នេហ៍មួយគូនេះ គឺមិនមែនអត់ប្រយោជន៍ឡើយ ដោយពួកគេអាចទទួលបានផលប្រយោជន៍ រហូតដល់ទៅ ៩ ០០០ដុល្លារ រាល់ការបង្ហោះរូបម្ដងៗ។

បច្ចុប្បន្ន លោក Jack មានចំនួនអ្នក Follow រហូតដល់ទៅ ២លាននាក់ និងនាង Lauren ប្រមាណជា ១,២លាននាក់ នៅលើបណ្ដាញសង្គម Instagram ដោយពួកគេអាចរកលុយយ៉ាងច្រើនកប់ក្ដោង ពីក្រុមហ៊ុនម៉ាកយីហោ និងទេសចរណ៍ជាច្រើន ដែលបានឧបត្ថម្ភយ៉ាងពេញលេញ សម្រាប់ឲ្យពួកគេធ្វើដំណើរកម្សាន្ត និងផ្សងព្រេងជុំវិញពិភពលោក។

លោក Jack បានចែករំលែកគន្លឹះសំខាន់ៗមួយចំនួន ដែលជួយជំរុញលោក និង Lauren ឲ្យទទួលបានជីវិតបែបនេះ នៅលើគេហទំព័រផ្ទាល់ខ្លួនរបស់លោក ឈ្មោះ DoYouTravel។

លោក Jack បាននិយាយថា «ខ្ញុំកែរូបថតរបស់ខ្ញុំទាំងអស់ ដោយប្រើរចនាបថដូចៗគ្នា ជាមួយនឹងកម្មវិធី Lightroom (Dreamy Matching effect)»។ លោកបានបន្ថែមទៀតថា លោកនិងដៃគូ ភាគច្រើនថតនៅក្រោយពេលព្រះអាទិត្យរះ ១ម៉ោង ព្រោះវាជាពេលវេលាដែលទំនង និងស្រស់ស្អាតបំផុត។

បើតាមប្រភពព័ត៌មាន បានឲ្យដឹងថា គូស្នេហ៍ខាងលើមិនទទួលឡើយ បើក្រោម ៣ ០០០ដុល្លារ រាល់ការបង្ហោះម្ដង៕