ថន ស្រីណៃ ទម្លាយរឿងផលិតករជំពាក់លុយជាង៦០០ដុល្លារ

2017-04-19 10:07:38
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង ថន ស្រីណៃ បានបញ្ចេញសារមួយដែលនាងរំលឹករឿងរ៉ាវកាល២ឆ្នាំមុនដែលផលិតករម្នាក់ចំពាក់លុយនាងជាង៦០០ដុល្លាររហូតដល់ឥឡូវមិនទាន់ទូទាត់។

នាងលើកឡើងថា៖ "រឿងមួយដែលកើតឡើងកាលពី២ឆ្នាំមុន, ដែលខ្ញុំបានសំដែងជាមួយតារាហ្វីលីពីន លោកទេព រិនដារ៉ូ និងលោកខាត់ វៃហាំង. រហូតមកទល់ថ្ងៃនេះផលិតករដែលបានផលិតរឿងដុំមួយនោះពុំទាន់បានដោះស្រាយទូទាត់ថវិការនៅឡើយទេ(នៅខ្វះ $640 ទៀត)”។

នាងបន្តថា នាងបានទុកឱកាស២ឆ្នាំហើយ ដល់ផលិតករនោះទាំងរូបនាងក៏បានទៅជួបគេផ្ទាល់ដល់ផលិតកម្មក៏មាន ហើយរូបគេបានសន្យាជាមួយនាងជាច្រើនដងរហូតមកដល់ថ្ងៃនេះ។

ស្រីណៃ បន្ថែមថានាង មិនប្រាក់ត្រឹមប៉ុណ្ណោះវាមិនធំដុំណាស់ណាសម្រាប់នាងទេ តែនាងពិតជាស្តាយពេលវេលា ដែលនាងខំបើកឡានខ្លួនឯងទៅថតផង និងការចំណាយលើសម្លៀកបំពាក់នាពេលនោះ។ "ហើយខ្ញុំតែងគិតថាគាត់ជាផលិតករដែលមានកិត្តិយសម្នាក់ពុំគួរណាធ្វើរឿងអយុត្តិធម៌បែបនេះមកលើនាងខ្ញុំសោះ" តារាស្រី រាងស្រលូនថ្លែង។ ទោះបីជាយ៉ាងណាក៏ដោយ មិនបានបញ្ចេញអត្តសញ្ញាណរបស់ផលិតករនោះ តែនាងបានលើកឡើងថា សូមឲ្យផលិតកររូបនោះទូទាត់ប្រាក់ដែលនៅសល់ឲ្យនាងមុនពេលដែរនាងបង្ហាញឈ្មោះលោកជាសាធារណៈ។

Sabay បានព្យាយាមទាក់ទងទៅ ស្រីណៃ ដើម្បីដើម្បីបំភ្លឺនូវបញ្ហាខាងលើតែលេងទូរស័ព្ទផ្ទាល់ខ្លួន របស់នាងដែលធ្លាប់ប្រើប្រាស់ មិនអាចទាក់ទងបានទេនៅពេលនេះ៕