៧ វិធីការពារមិនឲ្យអ្នកណា Hack គណនី Facebook បានដាច់ខាត

2017-04-25 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទន្ទឹមនឹងប្រព័ន្ធទំនាក់ទំនងតាមរយៈបណ្ដាញសង្គមកំពុងរីកសុះសាយ ការប្រឈមនឹងការលួច គណនីពីជនខិលខូចមួយចំនួន ក៏បន្តកើតមានឥតស្រាកស្រាន្តដរាបណាអ្នកប្រើប្រាស់នៅមិនទាន់ ដឹងច្បាស់ពីវិធីការពារទាំងអស់នោះ។ អ្នកគួរអនុវត្តតាមវិធីទាំង ៧ ខាងក្រោម ដើម្បីជៀសឆ្ងាយពីបញ្ហាគេលួច Hack គណនី Facebook និងបណ្ដាញសង្គមមួយចំនួនផ្សេងទៀត រួមមាន Twitter, Instagram និង Snapchat ជាដើម។

ការប្រើប្រាស់កម្មវិធី-ហ្គេម៖

នៅពេលដែលអ្នកបើកដំណើរការកម្មវិធី ហ្គេមមួយចំនួន ជារឿយៗវាតែងលោតសារ សួរមកអ្នកថា តើអ្នកចង់តភ្ជាប់ទៅកាន់គណនីបណ្ដាញសង្គមរបស់អ្នកឫអត់? នេះហើយជាការប្រឈមនឹងត្រូវគេលួច Hack ទិន្នន័យព័ត៌មានពីគណនីអ្នកបាន។ ប៉ុន្តែក៏មិនមានន័យថា អ្នកមិនអាចតភ្ជាប់គណនីទៅកាន់រាល់កម្មវិធីហ្គេមទាំងអស់នោះទេ តែ គួរពិនិត្យរាល់បណ្ដាកម្មវិធីហ្គេមទាំងនោះជាមុន ថាតើវាមានសុវត្ថិភាពនិងលក្ខខណ្ឌតម្រូវអ្វីខ្លះទាក់ទិននឹងគណនីនៃបណ្ដាញសង្គមរបស់អ្នក។

បង្កើតប្រព័ន្ធសុវត្ថិភាពដល់ឧបករណ៍របស់អ្នក៖

ករណីបើទូរសព្ទរបស់អ្នកបាត់ នោះអ្នកដែលរើសបាន ក៏គេអាចដឹងពីព័ត៌មានមួយចំនួន ជុំវិញគណនីរបស់អ្នកផងដែរ ហេតុនេះហើយអ្នកប្រើប្រាស់គួរដាក់លេខកូដមុខអេក្រង់ ដើម្បីការពារ ព្រោះថាទូរសព្ទដូច iPhone ជាដើម ករណីបើគេចុចខុសលេខកូដ ១០ ដង នោះទិន្នន័យទាំងមូលក្នុងទូរស័ព្ទនឹងត្រូវលុបចោលជាចាំបាច់។

ប្រើប្រាស់លេខកូដដែលពិបាករាវបំផុត៖

ភាគច្រើនអ្នកប្រើប្រាស់និយម ចូលចិត្តណាស់ក្នុងការប្រើប្រាស់លេខកូដ ដូចគ្នា នូវរាល់គណនីបណ្ដាញសង្គមទាំងអស់ ដូច្នេះហើយករណីបើលេខកូដនោះត្រូវបានបែកធ្លាយមួយ គឺគណនីទាំងអស់នឹងប្រឈមបញ្ហាតែម្ដង ជាហេតុនេះហើយ អ្នកគួរតែដាក់ Password ខុសៗពីគ្នា ឫប្រើប្រាស់កម្មវិធី Password Generator ដើម្បីទទួលបានប្រភេទកូដដែលកម្រមានអ្នក Hack បាន។

គ្រប់គ្រងលេខកូដឲ្យបានល្អ៖

ហេតុផលដែលមនុស្សចូលចិត្តប្រើប្រាស់កូដដូចគ្នាសម្រាប់រាល់គណនីបណ្ដាញសង្គមទាំងអស់ គឺដោយសារខ្លាចភ្លេច តែកុំបារម្ភ អ្នកអាចប្រើប្រាស់កម្មវិធី Dashlane ដែលវាជាគេហទំព័រមួយ អាចរៀបចំលេខកូដ ដែលអ្នករក្សាទុកទៅតាមលំដាប់បានយ៉ាងងាយស្រួល។

ការ Log in គណនីលើឧបករណ៍ច្រើន៖

សូមប្រុងប្រយ័ត្នពេលដែលអ្នកធ្វើការ Log In គណនីទៅកាន់ឧបករណ៍ដទៃដូចជាកុំព្យូទ័រនៅតាមកន្លែងអ៊ីនធឺណិត និងមួយទៀតការខ្ចីប្រើប្រាស់ប្រព័ន្ធអ៊ីនធឺណិតពីហាងកាហ្វេឫ Wi-Fi សាធារណៈ។ មុនចាកចេញសូមធ្វើការ Log Out និងលុបចោល (History) នៅលើ Browser ដែលយើងបាន Log In គណនី។ វិធីម្យ៉ាងទៀត ជារឿយៗគួរពិនិត្យមើលថាតើឧបករណ៍ណាខ្លះ ដែលបាន Log In គណនីរបស់យើង ដែលមានស្រាប់នៅក្នុង Settings នៃកម្មវិធីបណ្ដាញសង្គមមួយចំនួន ដូចជា Facebook ផ្ទាល់។

ការប្រើប្រាស់មុខងារ Two-Factor Authentication៖

មុខងារមួយនេះ គឺវានឹងធ្វើការផ្ញើកូដសម្ងាត់ តាមរយៈសារ SMS ទៅកាន់លេខទូរស័ព្ទឫ Email អ្នកប្រើប្រាស់រាល់ពេល មុន Log In គណនីរបស់យើង។ ដើម្បីដំណើរការមុខងារនោះប្រិយមិត្តអាចធ្វើការចុចចូលទៅក្នុង Settings របស់ Facebook > Security > ត្រង់ពាក្យ Login Approvals > បើក Enable មុខងារ Two-Factor Authentication ។

យ៉ាងណាមិញរាល់ការរ៉ាយរ៉ាប់ខាងលើ បើប្រិយមិត្តអ្នកអាន មិនទាន់ច្បាស់ត្រង់ចំណុចណាមួយ សូមធ្វើការ Comment នៅខាងក្រោម ហើយយើងខ្ញុំរីករាយជានិច្ចក្នុងការផ្ដល់ដំណោះស្រាយជូនអ្នកទាំងអស់គ្នា ទៅតាមដែលអាចធ្វើបាន៕

ប្រភព៖ ibtimes ប្រែសម្រួល៖ ផាន់និត

ពាក្យទាក់ទង

គន្លឹះខ្លីៗលើ Facebook ចំណេះដឹងបច្ចេកវិទ្យា

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

អត្ថបទថ្មី

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤

ធ្វើលិខិតថ្កោលទោសតាមអនឡាញដំណាក់កាលទី២ ចាប់ពីខែក្រោយ នឹងកាន់តែងាយស្រួលរហ័សជាងមុនទៀត

បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម