មើល ៧ ចំណុចនេះហើយបានដឹងរបៀបគ្រប់គ្រងលុយខ្មែរយើងឥលូវទំនើបខ្លាំង

2017-05-17 04:23:49
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកជំនាន់នេះច្បាស់ជាមិនដឹងទេថាកាលពីមិនទាន់មានសេវាធនាគារ ចង់ចាយ ឬ ទុកដាក់លុយឲ្យសុវត្ថិភាពពិបាកប៉ុណ្ណា។ បើគ្រាន់តែមានលុយតិចតួចនោះមិនជាបញ្ហាអ្វីទេ តែបើមានច្រើន ឬ ត្រូវចាយច្រើន គឺមិនងាយស្រួលឡើយ ដូចជាត្រូវរកកន្លែងដែលមានសុវត្ថិភាពទុកលុយឲ្យគង់ ហើយពេលចង់ចាយម្ដងៗ ត្រូវកាន់លុយសុទ្ធច្រើនតាមខ្លួន ដកចេញចូលដែលអាចប្រឈមនឹងការឆក់ប្លន់ ឬ ជ្រុះបាត់ជាដើម ។

តោះ ! មើលថាឥលូវរបៀបគ្រប់គ្រងលុយបានការវិវឌ្ឍន៍មកជាទំនើប និង ងាយស្រួល ខុសប្លែកពីមុនយ៉ាងម៉េចខ្លះ ៖ ១. ការសន្សំលុយ៖

ពីមុនគេចូលចិត្តសន្សំលុយដោយការដាក់ក្នុងកូនជ្រូកនៅផ្ទះ តែពេលនេះភាគច្រើនបានប្ដូរមកសន្សំលុយដោយការដាក់បញ្ញើនៅធនាគារវិញ ។ ដាក់លុយនៅធនាគារក្រៅពីធានាបាននូវសុវត្ថិភាព១០០% ថែមទាំងអាចទទួលបានការប្រាក់ច្រើនទៀត (គណនីមានកាលកំណត់) ។ លុយសន្សំរបស់អ្នកនឹងកើនឡើងជាប្រចាំទាំងអ្នកមិនដឹងខ្លួនផង ។ ២. ការបង់វិក្កយបត្រផ្សេងៗ៖

ពីមុនពេលត្រូវបង់ថ្លៃសេវាអ្វីមួយ ពិសេសគឺ បង់ថ្លៃទឹកភ្លើងរៀងរាល់ខែ អ្នកត្រូវចំណាយពេលស្ទើរពេញមួយថ្ងៃ ធ្វើដំណើរទៅដល់កន្លែងផ្ទាល់ ហើយប្រជ្រៀតគ្នា ឬត្រូវតម្រង់ជួររង់ចាំបង់។ តែពេលនេះតាមរយៈកម្មវិធី ABA Mobile គេអាចបង់ថ្លៃទឹក-ភ្លើងបានយ៉ាងឆាប់រហ័សពីគ្រប់ទីកន្លែង និង គ្រប់ពេលវេលាដោយគ្រាន់តែចុចទូរស័ព្ទ ។ អ្នកក៏អាចប្រើប្រាស់កម្មវិធីនេះបង់ថ្លៃសេវាផ្សេងជាច្រើនទៀតបានដែរ ដូចជា ដាក់លុយទូរស័ព្ទ(បាញ់លុយចូលតែម្ដងដោយមិនបាច់វាយលេខកូដសម្ងាត់) បង់ថ្លៃសេវាអ៊ីនធឺណេត បង់ថ្លៃសាលារៀន បង់ថ្លៃទូរទស្សន៍ខ្សែកាប ...។

៣.វេរលុយទៅមកឆាប់រហ័ស៖

ពីមុនចង់ជូនលុយនរណាម្នាក់ គឺត្រូវទៅជួបរួចហុចលុយឲ្យគេដោយផ្ទាល់ទើបធានាបានថាលុយពិតជាដល់ដៃគេប្រាកដមែន ។ តែសម័យនេះទោះមិនបានជួបមុខផ្ទាល់ក៏លុយធានាថាដល់ដៃអ្នកទទួលដែរ ព្រោះប្រើកម្មវិធី ABA Mobile អ្នកអាចចុចទូរស័ព្ទដើម្បីវេរលុយឲ្យគ្នាទៅវិញទៅមក វេរភ្លាម ទទួលបានភ្លែត វេរបានគ្រប់ម៉ោងពេល គ្រប់កន្លែង និងធានាសុវត្ថិភាពខ្ពស់ ពិសេសឥតគិតថ្លៃទេ (រវាងម្ចាស់គណនីធនាគារ ABA ដូចគ្នា)។ លែងពិបាកគិតទៀតហើយពេលត្រូវវេរលុយឲ្យគ្នា ពិសេសពេលលុយមានកន្ទុយកាក់សេន ដូចជា ២.៧៥ដុល្លារ ឬ ៥.៨៥ដុល្លារ ដោយប្រើប្រាស់សេវាវេរលុយរបស់ ABA Mobile។

៤.ដកលុយពី ATM មិនបាច់មានកាត ឬ ផ្ញើលុយឲ្យអ្នកអត់មានគណនីធនាគារក៏បាន៖

កាលពីមុនចង់ដកលុយពីទូរ ATM ត្រូវតែដាក់កាត ATM ចូលក្នុងម៉ាស៊ីនរបស់វាទើបដកលុយបាន។ តែរឿងចៃដន្យអាចកើតមានគ្រប់ពេលវេលា ពេលខ្លះអ្នកអាចត្រូវការចាយលុយជាបន្ទាន់ចំពេលគ្មានកាបូបលុយ ឬ កាត ATM ជាប់ខ្លួន ។ បើកាលពីមុនគឺចប់ហើយ តែពេលនេះអត់បញ្ហា! ព្រោះប្រើប្រាស់កម្មវិធី ABA Mobile អ្នកអាចចុចទូរស័ព្ទផ្ញើលុយទៅម៉ាស៊ីន ATM និងដកលុយប្រើបានភ្លាមៗ ដោយមិនបាច់មានកាតធនាគារ ហើយសុវត្ថិភាពនៅតែធានាបាន១០០%។ មុខងារនេះក៏អាចឲ្យអ្នកផ្ញើលុយទៅមនុស្សគ្រប់គ្នាទោះអ្នកមិនមានគណនីធនាគារ ហើយអ្នកទទួលអាចទៅដកលុយបានគ្រប់ពេលដែលគេទំនេរ នៅតាមទូរ ATM របស់ធនាគារ ABA ដែលដំណើរការ២៤ម៉ោង ពេញមួយសប្តាហ៍គ្មានថ្ងៃសម្រាក ។ លែងបារម្ភរឿងបាត់លុយពេលផ្ញើលុយទៅស្រុកតាមឡានឈ្នួលដោយការប្ដូរមកប្រើសេវា E-Cash របស់កម្មវិធី ABA Mobile ក្នុងទូរស័ព្ទវិញ ។

៥.ចាយលុយដោយប្រើកាត៖

គិតមើលតើងាយស្រួលកម្រិតណា កាន់តែកាតតូចមួយមានតម្លៃស្មើលុយរាប់ពាន់ដុល្លារ ហើយទោះជ្រុះបាត់ ឬ ត្រូវគេលួច ក៏គេមិនអាចយកទៅចាយផ្ដេសផ្ដាសបានដែរ។ សម័យនេះចង់ដើរ ផ្សារពេញមួយថ្ងៃ ឬ ចូលហាងថ្លៃៗ មិនបាច់បារម្ភរឿង ដកលុយចេញចូល រាប់លុយ ឬ មើលលុយសុទ្ធ ឬក្លែងក្លាយទៀតទេ ព្រោះថាកាតធនាគារមួយ(Visa , MasterCard, Union Pay …) អាចប្រើប្រាស់ទូទាត់បានទាំងអស់ដូចប្រើប្រាស់លុយសុទ្ធដែរ ពិសេសអ្នកអាចទូរទាត់បានលឿន និងច្បាស់លាស់បំផុត។ ៦.ទិញទំនិញអនឡាញដោយប្រើកាតនិមិត្តម៉ាសស្ទឺកាត (Virtual Master Card)៖

នេះជាបច្ចេកវិទ្យាថ្មីបំផុតមួយដែលមិនធ្លាប់មានពីមុនមកឡើយដើម្បីធានាបានថាការចាយលុយតាមអនឡាញមានសុវត្ថិភាពខ្ពស់ ដោយមិនបារម្ភត្រូវគេលួចចូលគណនីធនាគារអ្នកលួចលុយដូចកាលពីសម័យមុនឡើយ ។ អ្នកអាចបង្កើតកាតនិមិត្តម៉ាសស្ទឺកាត មួយភ្លាមៗ យ៉ាងងាយស្រួលដោយខ្លួនឯងតាមរយៈ iBanking ក្នុងវេបសាយរបស់ធនាគារ ABA ។ រួចរាល់អ្នកនឹងទទួលបានរូបម៉ាសស្ទឺកាតមួយ ពេញលេញក្នុងទូរស័ព្ទ ដើម្បីទិញទំនិញក្នុងផ្សារអនឡាញទូទាំងពិភពលោក។

៧.ដាក់លុយតាមម៉ាស៊ីនដាក់ប្រាក់ស្វ័យប្រវត្តិរបស់ធនាគារ

កាលពីមុនចង់យកលុយទៅដាក់បញ្ញើនៅធនាគារម្ដងៗ ត្រូវទៅម៉ោងធនាគារធ្វើការ ហើយពេលខ្លះត្រូវចាប់លេខរង់ចាំរាប់ម៉ោង ប្រសិនបើមានអតិជនច្រើន ។

តែបច្ចុប្បន្ននៅធនាគារ ABA មានម៉ាស៊ីនដាក់ប្រាក់ស្វ័យប្រវត្តិធ្វើការ២៤ម៉ោងគ្មានថ្ងៃសម្រាក ដែលអ្នកអាចយកលុយទៅដាក់បញ្ចូលក្នុងគណនីរបស់អ្នកបានដោយខ្លួនឯងគ្រប់ម៉ោងពេលយ៉ាងងាយស្រួល និងធានាសុវត្ថិភាព មិនបាច់រង់ចាំយូរឡើយ។