ប៉ុន្មានកម្មវិធីមកនេះ នាយ កុយ ប្រាប់ថា កាត់លុយខ្លួនឯងឲ្យ ឃ្មឹប ជានិច្ច

2017-05-22 06:20:24
ចំនួនមតិ 0 | ចំនួនចែករំលែក 0

ចន្លោះមិនឃើញ

៣ទៅ៤ ឆាកហើយដែល ឃ្មឹប បានចូលចូលសម្ដែងជាមួយក្រុម នាយកុយវិញបន្ទាប់ពី អតីតភរិយានាយ ហុងដា រូបនេះ បានដកខ្លួនពីសិល្បៈជាច្រើនឆ្នាំមក។ នាយ កុយ ដែលជាប្រធានក្រុមបញ្ជាក់ឲ្យដឹងថា រាល់ការសម្ដែងម្ដងៗ នាយតែងចេញលុយផ្ទាល់ខ្លួនឲ្យថ្លៃឈ្នួលពលកម្ម ឃ្មឹប ជានិច្ច។

ធ្វើបែបនេះ ព្រោះមិនចង់ឲ្យប៉ះពាល់ដល់កូនក្រុមដទៃទៀត។ លោក ជួង ជី ហៅ នាយកុយ បានបញ្ជាក់បន្ថែមថា វត្តមាន ឃ្មឹប ក្នុងក្រុមជាថ្មីនេះ លោកបានហៅមកដោយខ្លួនឯង មិនបានសួរនាំកូនក្រុមឡើយ។ ដូច្នេះហើយ លោកមិនធ្វើឲ្យប៉ះពាល់ដល់ថវិកាក្នុងក្រុមឡើយ មានន័យថា កូនក្រុមលោក ពីមុនឡើងសម្ដែងបានតម្លៃខ្លួនប៉ុន្មាន គឺនៅតែទទួលបានប៉ុណ្ណឹងដដែល មិនបានកាត់ទេ។ ប៉ុន្តែនាយបានកាត់តម្លៃខ្លួនរបស់ខ្លួនឯង ឲ្យ ឃ្មឹប តែម្ដង។

នាយបានបន្តថា ឃ្មឹប នឹងបន្តសម្ដែងជាមួយក្រុមរបស់លោករហូត ដោយការសម្ដែងនោះ គឺលោកឲ្យចាប់សម្ដែងដៃគូជាមួយ នាយហុងដាតែម្ដង ហើយនឹងញឹកពាក់ទៀត ។ "ដំបូងឡើយ ប្អូន ហុងដាប្រកែកដែរ ប៉ុន្តែខ្ញុំពន្យល់ទៅ វាក៏ព្រម ព្រោះការសម្ដែងនេះ គឺជាការសម្ដែងសាច់រឿងនៅតែលើឆាកទេ រឿងផ្សេងទៀតកុំខ្វល់ សិល្បៈតែប៉ុណ្ណឹង!"។ នាយកុយថ្លែង។

នាយកុយ សូមបញ្ជាក់ជុំវិញ សំនួរមហាជនដែលចោទសួរថា " ហេតុអ្វីមិនហៅមកសម្ដែងតាំងពីយូរយារមក ទើបមានរឿងផ្ទុះលើ Facecook ទើបហៅមកសម្ដែង?” ជុំវិញសំនួរនេះ នាយថា ការចាកចេញពីក្រុមកំប្លែងកន្លងមករបស់ ឃ្មឹប លោកមិនបានបញ្ឈប់ឡើយ គឺ ឃ្មឹប ចេញដោយខ្លួនឯង ទី១។ ទី២ គឺលោកក៏មិនបានដឹងថា នាងទៅណានៅកន្លែងណាដែរ ព្រោះមិនមានលេខទាក់ទងគ្នា។

លោកថា មិនត្រឹមតែ ឃ្មឹប ទេ កូនក្រុមទាំងអស់នៅក្នុងក្រុមកំប្លែងរបស់លោក គឺលោកមិនធ្លាប់បញ្ឈប់តារាកំប្លែងណាម្នាក់ឡើយ។ វត្តមាន ឃ្មឹប ក្នុងក្រុមជាថ្មីនេះ មិនមែនសម្រាប់តែការសម្ដែងលើកញ្ចក់ទូរទស្សន៍ប៉ុណ្ណោះទេ សូម្បីកាត់សក់ ឬ ការចុះសម្ដែងការប្រគំតន្ត្រីនៅតាមខេត្ត នាយ កុយ ប្រាប់ថា ក៏នាយនាំទៅទាំងអស់ ប្រសិនបើម្ចាស់កម្មវិធីកុម្ម៉ង់។

តាមការលើកឡើងរបស់នាយកុយ មកទល់ពេលនេះ ឃ្មឹប បានសម្ដែងបាន២ទូរទស្សន៍ហើយ គឺបានបាយ័ន និង CTN ។

*ព័ត៌មានពី ឃ្មឹប និងហុងដា ផ្សេងទៀត

*ព័ត៌មានផ្សេងទៀតពីនាយ កុយ

*នាយ កុយ ពោលពីនាយ ឃ្លោក ដកខ្លួន

អត្ថបទ៖ ស៊ុនហួត