អ្នកគាំទ្រ Real យកប្រាក់ ៣០ម៉ឺនរៀលជូនស្ត្រីក្រីក្រកើតជំងឺមហារីកម្នាក់

2017-05-30 07:54:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់សប្បុរសធម៌ ដែលជាអ្នកគាំទ្រ Real Madrid នៅកម្ពុជាបាននាំយកថវិកាចំនួន ៣០ម៉ឺនរៀល និងគ្រឿងឧបភោគបរិភោគមួយចំនួនមានដូចជា ត្រីខកំប៉ុង ទឹកដោះគោ និងទឹកផ្លែឈើជាដើម ទៅជូនស្ត្រីម្នាក់ដែលមានជីវភាពក្រីក្រ និងទើបតែសម្រាលកូនរួច ថែមទាំងរង់ចាំការវះកាត់ជំងឺមហារីកសុដន់នៅមន្ទីរពេទ្យមិត្តភាពខ្មែរសូវៀត (ពេទ្យរុស្ស៊ី) កាលពីព្រឹកមិញនេះ។

ក្រុមអ្នកគាំទ្រ Real Madrid ជូនជំនួយ

ក្រុមអ្នកគាំទ្រ Real Madrid នៅកម្ពុជាបានធ្វើការប្រកួតបាល់ទាត់សប្បុរសធម៌មួយ កាលពីថ្ងៃទី១០ ខែឧសភា ឆ្នាំ២០១៧ នៅទីលានបាល់ទាត់ KMH Park ដែលមានចំនួន ៤ ក្រុមធ្វើការប្រកួត ដើម្បីស្វែងរកប្រាក់ជួយអ្នកក្រីក្រនៅកម្ពុជា។

ក្រុមទាំង ៤ រួមមាន Real Madrid KH, KouPrey FT, NIDER FC និង Level Pro FT ។ ក្រោយធ្វើកម្មវិធីនេះពួកគេប្រមូលប្រាក់សរុបបានចំនួន ៤០៥ ដុល្លារអាមេរិក និង ២៥ ម៉ឺនរៀល ព្រមទាំងសម្ភារៈ សម្រាប់ចែកជូនដល់គ្រួសារក្រីក្រគ្មានលុយព្យាបាលជំងឺជាដើម៕