យុវជនយល់យ៉ាងណា ចំពោះការសំពះ អ្នកដែលមានអាយុដំណាលគ្នា?

2017-06-02 08:45:13
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលជួបគ្នា ការស្វាគមន៍ និងការគួរសម គឺមានការខុសប្លែកពីគ្នាទៅតាមវប្បធម៌របស់ប្រទេសនីមួយ។ នៅក្នុងប្រទេសកម្ពុជាយើង ការសំពះ គឺជាទំនៀមទម្លាប់មួយដែលគេប្រើប្រាស់នៅពេលជួបគ្នា លាគ្នា ការអរគុណ និងផ្ដល់ការគោរពជាដើម ហើយការសំពះនេះមានក្បួនខ្នាតច្បាស់លាស់តាមឋានៈ តួនាទី និងអាយុថែមទៀតផង។

កញ្ញា ហូយ ស្រីណែត អាយុ២៤ឆ្នាំ ជានិស្សិតឆ្នាំទី៤ ផ្នែកធនាគារបានឲ្យដឹងថា កញ្ញា កម្រលើកដៃសំពះអ្នកដែលមានអាយុដំណាលគ្នាណាស់ ព្រោះកញ្ញាហាក់មានអារម្មណ៍ថាដូចជាឆ្គង ដែលសំពះអ្នកដែលមានវ័យស្របាលគ្នា។ កញ្ញាបន្តថា ការសំពះទៅកាន់អ្នកដែលមានវ័យស្របាលគ្នាដូចជាមិនសូវចាំបាច់ទេ ម្យ៉ាងទៀតមិត្តភក្តិខ្ញុំប្រាកដជាថាឲ្យខ្ញុំអីក៏រម្យទមម្ល៉េះ។

សម្រាប់យុវជន ណារិទ្ធ អាយុ២៨ឆ្នាំ ជាបុគ្គលិកផ្នែកទីផ្សារ បានលើកឡើងថា ការសំពះជាការឲ្យតម្លៃគ្នាទៅវិញទៅមក ព្រមទាំងជាសីលធម៌ល្អផងដែរ។ ប៉ុន្តែខ្ញុំកម្រលើកដៃសំពះអ្នកដែលមានអាយុដំណាលគ្នាណាស់ បើធ្វើបែបនេះនឹងមានមិត្តភ័ក្ដិមួយចំនួន ដែលមានអាយុស្របាលគ្នានិយាយថា អីក៏សុភាពម្លេះ (និយាយក្នុងន័យលេងសើច)។

ចំណែកយុវជន សុខ ជីវ័ន្ន អាយុ២៦ឆ្នាំ ជានិស្សិតឆ្នាំទី២ ផ្នែកព័ត៌មានវិទ្យា បាននិយាយថា ចំពោះយុវវ័យសម័យនេះ បើប្រុសច្រើនចាប់ដៃគ្នា ហើយចំណែកនារីច្រើនអោបគ្នា ច្រើនជាងសំពះក៏ដោយចុះ តែពួកគេគួរសំពះគ្នាសិន មុននឹងចាប់ដៃ ឫ អោបគ្នា ព្រោះការសំពះនឹងរក្សាបាននូវទំនៀមទម្លាប់ឲ្យបានគង់វង្សជាការល្អប្រពៃណាស់ ព្រមទាំងជាតួនាទីរបស់យើងក្នុងនាមជាកូនខ្មែរផងដែរ។

តាមការសង្កេតភាគច្រើនគឺយុវជនលើកដៃសំពះជម្រាបសួរចំពោះតែចាស់ទុំ ដោយមិនបានសំពះជនដែលមានអាយុប្រហាក់ប្រហែលគ្នាទៅវិញទៅមកឡើយ ដែលនេះអាចនឹងមានផលអវិជ្ជមានខ្លះៗ ដែលនឹងនាំឲ្យប៉ះពាល់ដល់វប្បធម៌ខ្មែរ ហើយពេលខ្លះយុវជនយើងមួយចំនួនអាចភ្លេចភ្លាំងនូវទំនៀមទម្លាប់រហូតដល់ការសំពះចំពោះមនុស្សចាស់ក៏ថាបាន។

គួរបញ្ជាក់ថា ការសំពះត្រឹមត្រូវមាន ៥សណ្ឋានគឺ ចំពោះមិត្តភ័ក្ដិ យើងត្រូវដាក់ដៃនៅត្រឹមដើមទ្រូង ចំពោះអ្នកមានឋានៈ ឬអាយុច្រើនជាង និងការសុំទោស ត្រូវដាក់ដៃត្រឹមមាត់ ចំពោះមាតាបិតា ជីដូនជីតា ឬគ្រូបាធ្យាយ ត្រូវដាក់ដៃត្រឹមច្រមុះ ចំពោះ ព្រះសង្ឃ វត្ថុស័ក្ដិសិទ្ធិជាទីសក្ការ និងព្រះមហាក្សត្រ ត្រូវប្រណម្យត្រឹមចិញ្ចើមហើយពេលគោរពបូជាដ៏ជ្រាលជ្រៅចំពោះព្រះសម្មាសម្ពុទ្ធ ព្រះបរមគ្រូ នៃយើងត្រូវប្រណម្យដៃទាំងទ្វេលើថ្ងាស៕

អត្ថបទ៖ ហេង នាង (CCJ)

ពាក្យទាក់ទង

CCJ

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

Qi An Xin បង្ហាញក្រុម "Night Eagle" APT: ភាពខ្សោយផ្នែកសន្ដិសុខសាយប័រលើ Microsoft Exchange ជាអាវុធជម្រើសរបស់ខ្លួន

ខ្សែសាករបស់ Apple ប្រើមិនបានយូរ បែក! មានមូលហេតុពាក់ព័ន្ធនឹង Stve Jobs

វេទិកាធុរកិច្ច របស់សភាយុវពាណិជ្ជករអន្តរជាតិ សាខាភ្នំពេញបានត្រលប់មកវិញ ផ្តោតលើប្រធានបទ “ពង្រឹងសមត្ថភាពអាជីវកម្មអ្នក ដើម្បីចាប់ឱកាសថ្ងៃស្អែក”

ស្វែងយល់ពី សម្បត្តិបេតិកភណ្ឌរូបីចំនួន ៤ ត្រូវបានចុះបញ្ជីនៅអង្គការយូណេស្កូ

DRSB Express ក្រុមហ៊ុនខ្មែរដែលនាំមុខគេក្នុងវិស័យជួយទិញ និងដឹកជញ្ជូនទំនិញពីប្រទេសចិន

ការភ្ជាប់ប្រព័ន្ធឌីជីថលទៅក្នុងវិស័យសុខាភិបាល ABA និង ពេទ្យយើង ចុះអនុស្សរណៈយោគយល់ ដើម្បីសម្រួលដល់ការទូទាត់បែបឌីជីថល