ក្រៅពីគ្រឹឹះស្ថានអប់រំធំៗ២ លោកតា វ៉ិចទ័រ ក៏ធានាបណ្ដុះបណ្ដាលកូនទាំង៣របស់ អ៊ិត សេដ្ឋាដែរ!

2017-06-09 02:25:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយឃើញពីភាពលំបាករបស់ក្រុមគ្រួសារ អតីតពិធីករ អ៊ិត សេដ្ឋា ធ្វើឲ្យស្ថាប័នសិក្សាធំៗ២ គឺសាលាវេស្ទើន និង ប៊ែលធីអន្តរជាតិ បានធានាផ្ដល់អាហារូបករណ៍ដល់កូនទាំង៣របស់លោក អ៊ិត សេដ្ឋា ឲ្យរៀនដល់ថ្នាក់បញ្ចប់។

ជាក់ស្ដែងកូនៗទាំង៣ របស់លោក អ៊ិត សេដ្ឋា បានទទួលការឧបត្ថម្ភផ្លូវការហើយ ពីឯកឧត្តម លី ឆេង អគ្គនាយក ប៊ែលធី គ្រុប នូវការសិក្សាដោយឥតបង់ថ្លៃ ១០០% ទាំងចំណេះទូទៅ និងភាសាអង់គ្លេស។ ថែមទាំង ផ្ដល់អាហារូបករណ៍ ១០០% សិក្សានៅសាកលវិទ្យាល័យ ប៊ែលធី អន្តរជាតិមួយចប់កម្មវិធីសិក្សាសម្រាប់កូនស្រីច្បង កាលពីម្សិលមិញនេះ។

អាន៖ កូនៗរបស់ អ៊ិត សេដ្ឋា ទទួលបានការឧបត្ថម្ភពីឯកឧត្ដម លី ឆេង ផ្លូវការ ហើយ!

ចំណែក ឯសាលាវេស្ទើនអន្តរជាតិវិញ មិនទាន់មានការអះអាងណាមួយថា កូនៗទាំង៣ ព្រមទទួលអាហារូបករណ៍នោះនៅឡើយទេ។

ក្រៅពីនោះ លោក តាវ៉ិចទ័រ បានប្រាប់ Sabay ថា សម្រាប់រូបលោកផ្ទាល់ លោកនឹងបណ្ដុះបណ្ដាលកូនណាម្នាក់ក្នុងចំណោមអ្នកទាំង៣ បើសិនជាពួកគេមានចំណាប់អារម្មណ៍ខាងផ្នែកដឹកនាំកម្មវិធី។ ប៉ុន្តែបើគ្មានទេ លោកនឹងយកពួកគេ ឲ្យធ្វើការក្រៅម៉ោងជាមួយលោក ដើម្បីទទួលបានកម្រៃខ្លះ ទៅចិញ្ចឹមគ្រួសារជាបន្តបន្ទាប់។

អត្ថបទ៖ សុខណា