អ្នកប្រើ SAMSUNG ភ្លេចកូដមុខអេក្រង់ គ្មានកុំព្យូទ័រក៏អាចធ្វើបាន

2017-06-16 04:10:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាធម្មតាអ្នកប្រើប្រាស់ទូរសព្ទ SAMSUNG ច្រើនដាក់លេខកូដមុខអេក្រង់ ដើម្បីបញ្ចៀសការលួចចុចចូលបើកមើលទិន្នន័យផ្សេងៗពីអ្នកដទៃ។ ចុះបើថ្ងៃណាមួយភ្លេច ឫ ក្មេងចុចច្រើនដងបង្កឱ្យទូរសព្ទគាំង តើអ្នកនឹងធ្វើបែបណា? ត្រង់ចំណុចនេះមិនបាច់ទៅរកជាងក៏បាន មិនបាច់មានកុំព្យូទ័រក៏បាន Sabay នឹងប្រាប់ពីវិធីងាយៗទៅកាន់អ្នកទាំងអស់គ្នា។

+វិធី Hard Rest ទូរសព្ទ SAMSUNG:

ជាធម្មតាយើងមិនអាចចូលទៅកាន់ដល់ Settings ក្នុងទូរសព្ទដើម្បី Reset បានទេ ព្រោះទូរសព្ទជាប់គាំងកូដអេក្រង់ ម្ល៉ោះហើយមានតែ Reset តាម Key សម្ងាត់ ដែលយើងហៅថា Hard Reset ។

ចំពោះពពួក SAMSUNG មួយចំនួនធំយើងត្រូវ:

បិទម៉ាស៊ីនឱ្យងងឹត
ចុច Volume Up + Home + Power ឱ្យជាប់ដល់លោត Logo SAMSUNG សឹមប្រលែងដៃ នោះវានឹងលោតចូលមុខងារ Recovery Mode
ប្រើប៊ូតុង Volume Up/ Down សម្រាប់បញ្ជាចុះក្រោម ទៅរកពាក្យ Wipe Data/Factory Rest
ចុច Power ដើម្បីបញ្ជាចូល ព្រោះប៊ូតុង Power ស្មើនឹងពាក្យ Enter
បញ្ជាយកពាក្យ Yes-Delete All User Data
រង់ចាំដល់វា Erase ទិន្នន័យម៉ាស៊ីនចប់ជាការស្រេច
ក្រោយពេលចប់វានឹងលោតចូលផ្ទាំង Activate ដូចទូរសព្ទថ្មី ដែលទើបបើកពីប្រអប់អ៊ីចឹង ហើយ យើងធ្វើការចុចតាមលក្ខខណ្ឌរបស់វា ដើម្បីចូលទៅប្រើប្រាស់ធម្មតាវិញ

*បញ្ជាក់: ការធ្វើបែបនេះ ទាមទារត្រូវតែបាត់ទិន្នន័យទាំងអស់ពីទូរសព្ទ ព្រោះវាគ្មានវិធីណាអាច Backup ឯកសារបានឡើយ។

បើអ្នកមានចម្ងល់ពីវិធី Hard Reset លើទូរសព្ទ SAMSUNG ម៉ូដែលផ្សេងទៀត ដែលអ្នកមិនអាចចុចចូលបាន សូម Comment នៅខាងក្រោម Sabay នឹងស្វែងរកដំណោះស្រាយជូនអ្នកទាំងអស់គ្នា តាមដែលអាចធ្វើទៅបាន។

បន្តចុចអាន៖

អត្ថបទ៖ កៅ រក្សា