AirAsia ទទួល​បាន​ពាន​រ​ង្វាន់​ជា​ក្រុមហ៊ុន​អាកាសចរណ៍​ដែល​មាន​តម្លៃ​ទាប និង​ល្អ​បំផុត​លើ​ពិ​ភព​លោក​លើក​ទី ៩ ជាប់ៗ​គ្នា​ នៅក្នុង​ពិធី​ប្រគល់​ពាន​រ​ង្វាន់ Skytrax World Airline Awards ២០១៧ ដែល​ប្រព្រឹត្ត​នៅ​ក្នុង Musée de l’Air et de l’Espace នា​អាកាស​យាន្ត​ដ្ឋា​ន Le Bourget កាលពី​ថ្ងៃទី ២១ មិថុនា។

លោក Suhaila Hassan ជា​ប្រធាន​គ្រប់​គ្រង​ក្រុម​នាវិក​ប្រចាំ AirAsia (AirAsia Group Cabin Crew) ដែល​បាន​បម្រើការ​នៅ​ក្នុង​ក្រុមហ៊ុន​អាកាសចរណ៍ AirAsia អស់​រយៈពេល​ជាង ២០​ឆ្នាំ​មក​ហើយ​នោះ​បាន​ឡើង​ទទួល​ពាន​រ​ង្វាន់​ក្រោម​អធិបតីភាព លោក David Foster ដែល​ជា​ឯកអគ្គរាជទូត​របស់ AirAsia និង​កីឡាករ​បាល់ទាត់​សញ្ជាតិ​ប្រេ​ស៊ីល Roberto Carlos​។

លោក David Foster គឺជា​ផលិតករ តន្ត្រីករ និង​ជា​អ្នកនិពន្ធ​ច​ម្រៀង​សញ្ជាតិ​កាណាដា​ដែល​បាន​ឈ្នះ​ពាន​រ​ង្វាន់ Grammy Awards ចំនួន ១៦ ដែល​ល្បីល្បាញ​អស់​រយៈពេល​ស្ទើរតែ ៤ ទសវត្សរ៍​មក​ហើយ​នោះ​ស្រប​ពេល​ដែល​កីឡាករ​បាល់ទាត់​ដ៏​ល្បីល្បាញ​មួយ​រូប Roberto Carlos បាន​ជួយ​ឲ្យ​ក្លឹប​បាល់​ទាត់​យក្ស Real Madrid ឈ្នះ​ពាន​រ​ង្វាន់​អេស្បាញ La Liga ចំនួន ៤ និង​បាន​ជួយ​ឲ្យ​ប្រទេស​ប្រេ​ស៊ី​ល​ឈ្នះ​ពាន​រ​ង្វាន់​ពិ​ភព​លោក World Cup ក្នុង​ឆ្នាំ ២០០២ ផង​ដែរ​។​

ពាន​រ​ង្វាន់​ពិ​ភព​លោក​“Oscars of the Aviation Industry” និង​ពាន​រ​ង្វាន់ Skytrax ត្រូវ​បាន​ប្រសិទ្ធ​នាម​ជា​ពាន​រ​ង្វាន់​សម្រាប់​ក្រុមហ៊ុន​អាកាសចរណ៍​ដែល​ល្អ​បំផុត​ក្នុង​ពិ​ភព​លោក​ ដែល​មាន​អ្នក​ធើ្វ​ដំ​ណើ​រ​ប្រមាណ​ជាង ១៩.៩ លាន នាក់​ដែល​ត្រូវ​បាន​ធ្វើការ​ស្ទាប​ស្ទង់​យ៉ាង​យកចិត្តទុកដាក់​ជាមួយនឹង ១០៥ សញ្ជាតិ​ផ្សេងៗ​គ្នា​តាម​រយៈ​សូចនាករ​វាយតម្លៃ​គុណភាព (KPI) ទាំង​៤៩ នៃ​ក្រុមហ៊ុន​អាកាសចរណ៍​ដែល​នាំ​មុខ​គេ​ក្នុង​ការ​ផ្តល់ជូន​សេវាកម្ម និង​ផលិតផល​សំខាន់ៗ​របស់​ក្រុមហ៊ុន​អាកាសចរណ៍​ទាំងអស់​។

លោក Tan Sri Tony Fernandes ប្រធាន​ក្រុម​នាយក​ប្រតិបត្តិ AirAsia បាន​មាន​ប្រសាសន៍ថា ៖"ថ្ងៃ​នេះ អាស៊ាន​បាន​បង្កើត​កំណត់ត្រា​ពិ​ភព​លោក​ម្តង​ទៀ​ត​ហើយ​។ ហើយ​ឥឡូវ​នេះ​ពួក​យើង​បានឈ្នះ​ពាន​រ​ង្វាន់​ពិ​ភព​លោក​លើក​ទី​៩​ហើយ​។​ដូចគ្នា​នេះ​ដែរ​ប្រទេសប្រេ​ស៊ី​ល​បានឈ្នះ​ពាន​រ​ង្វាន់ FIFA World Cup ៥​ដង លោក Michael Jordan បាន​ទទួលពាន​រ​ង្វាន់​ជើងឯក NBA ចំនួន ៦​ដង ហើយ​លោក Michael Phelps បាន​រក្សា​កំណត់ត្រា​ជើងឯក​មេដាយ​មាស​អូឡាំពិក​ពិ​ភព​លោក​ចំ​នួន ៨​ដង ផងដែរ​។​”

លោក Suhaila Hassan ប្រធាន​គ្រប់​គ្រង​ក្រុម​នាវិក​ប្រចាំ AirAsia (AirAsia Group Cabin Crew) បាន​បន្ត​ទៀតថា៖​ “​អ្វី​ដែល​ជា​កិ​ត្តិ​យ​សដ៏គួរ​ឲ្យ​រំ​ភើ​ប​នោះ​គឺ​ការផ្តល់ជូន​នូ​វ​ឱកាស​ដើម្បី​ទទួលពាន​រ​ង្វាន់​នេះ​ដែល​តំ​ណា​ង​ឲ្យ AirAsia និង​មិត្តភក្តិ​របស់​ខ្ញុំ​ដែល​ជាតារា​ល្បីៗ​ផងដែរ​។​ ពួកគេ​ទាំងអស់​គឺ​សុ​ទ្ឋ​តែ​ជា​ជើងឯក​ពាន​រ​ង្វាន់​ពិ​ភព​លោក​ពិតៗ​។​ អ្វី​ដែល​មិនគួរ​ឲ្យ​ជឿ​នោះគឺ​វា​អស់​រយៈពេល​២០​ឆ្នាំ​មកហើយ​ចំពោះ​ការធ្វើជា​ផ្នែក​មួយ​នៃ​ការធ្វើ​ដំ​ណើ​រ​របស់ AirAsia ពី​ក្រុមហ៊ុន​អាកាសចរណ៍​ម៉ាឡេស៊ី​ក្នុងស្រុក​ទៅកាន់​ក្រុមហ៊ុន​អាកាសចរណ៍​ដ៏​ល្អ​បំផុត​លំដាប់​ពិ​ភព​លោក​។​ពួកយើង​មាន​ក្រុម​ដ៏​អស្ចារ្យ​ដែល​ពោរពេញ​ទៅ​ដោយ​មហិច្ឆតា ការ​ខិត​ខំប្រឹងប្រែង និង​ការចែក​រំលែ​កជួយ​គ្នា​ទៅ​វិ​ញ​ទៅមក​៕ ​ ​