ពានរង្វាន់គថ្លង់របស់ អង្គការផ្កាយសមុទ្រឆ្នាំនេះ មាន១៨ក្រុមចូលរួម

2017-06-24 05:54:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ISF Deaf Tournament 2017 ជាពានរង្វាន់បង្កើតឡើងដោយអង្គការផ្កាយសមុទ្រ សម្រាប់ក្មេងៗគថ្លង់ចូលរួមប្រកួត ដែលពួកគេមកពីបណ្ដាខេត្តផ្សេងៗ ចំនួន១៨ក្រុមផ្សេងគ្នា។

លោក យិន សាមឌី

លោក យិន សាមឌី អ្នកគ្រប់គ្រងកម្មវិធីបាល់ទាត់ខាងលើបានបញ្ជាក់ថាអង្គការរបស់លោកបង្កើតពានរង្វាន់នេះឡើងជារៀងរាល់ឆ្នាំ ដោយលើកនេះជាលើកទី១១ហើយ។ គោលបំណងក្នុងការបង្កើតពានរង្វាន់នេះឡើង គឺដើម្បីឱ្យក្មេងៗគថ្លង់ទាំងអស់បានសប្បាយរីករាយ និងបានចូលរួមប្រកួតបាល់ទាត់ជាមួយទីលានមួយត្រឹមត្រូវ ក៏ដូចជាបានជួបជុំគ្នាផងដែរ។ មិនត្រឹមតែប៉ុណ្ណឹងទេ ការប្រកួតបាល់ទាត់នេះជារឿងអស្ចារ្យខ្លាំងណាស់សម្រាប់កុមារគថ្លង់ទាំងអស់ ព្រោះវាអាចពង្រឹងសុខភាពពួកគេ ក៏ដូចជាបង្កើតមិត្តភាព។

អ្នកគ្រប់គ្រងកម្មវីធីខាងលើបញ្ជាក់បន្ថែមថាឆ្នាំនេះ មានក្រុមចូលរួមច្រើនជាងឆ្នាំមុន ហើយអ្វីដែលពិសេសនោះគឺការបន្ថែម១ក្រុមមកពីខេត្តសៀមរាប។ ការប្រកួតនេះមិនផ្ដោតលើថវិកាទេ ប៉ុន្តែមានជាអាហារសម្រាប់ញ៉ាំជុំគ្នាពេលប្រកួតចប់។

ចំពោះច្បាប់នៃការប្រកួតវិញ គឺកីឡាករម្ខាងមានគ្នា៧នាក់ ហើយលេងក្នុងទីលានមួយភាគបួននៃទីលានធំ ជាមួយនឹងផូតូតូចមានទំហំ 5x2 ម៉ែត្រ តំបន់ប៉េណាល់ទីមានផ្ទៃ២០គុណ១០ម៉ែត្រ ខណៈដែលចំណុចប៉េណាល់ទីមានចម្ងាយ៩ម៉ែត្រ។ ក្រុមនីមួយៗអនុញ្ញាតឱ្យមានសមាជិកត្រឹមតែគ្នាតែ១២នាក់ប៉ុណ្ណោះ។ ដោយឡែកចំពោះពេលវេលាប្រកួតវិញ ១ប្រកួតមានពេលតែ២០នាទីទេ ដោយគ្មានពេលឈប់សម្រាកសម្រាប់តង់ទី១អ្វីឡើយ៕