គំនូរផែនទីសួនកម្សាន្ត Disneyland ដើម ដាក់លក់ដេញថ្លៃ បានខ្ពស់មិនគួរជឿ

2017-07-02 02:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គំនូរនេះបង្កើតដោយម្ចាស់ Disneyland និងវិចិត្រករម្នាក់ទៀតក្នុងឆ្នាំ ១៩៥៣
គំនូរគូររួច ២ឆ្នាំ Disneyland បានលេចរូបរាងឡើងមែន
គំនូរលក់ដេញថ្លៃបាន ៧០៨ ០០០ដុល្លារអាមេរិក

គំនូរផ្ទាល់ដៃរបស់លោក Walt Disney រូបផែនទីសួនកម្សាន្ត Disneyland ដែលបានគូរតាំងពីឆ្នាំ ១៩៥៣ ត្រូវបានគេដាក់លក់ដេញថ្លៃ បានថ្លៃខ្ពស់មិននឹកស្មាន។

ស្នាដៃសិល្បៈរបស់ពិភពកម្សាន្ត Disneyland ត្រូវបានបង្កើតដំបូងដោយលោក Walt Disney និងវិចិត្រករម្នាក់ទៀតឈ្មោះ Herb Ryman ប្រើរយៈពេលតែមួយសប្ដាហ៍ប៉ុណ្ណោះ ដើម្បីបង្ហាញដល់ក្រុមវិនិយោគិនសម្រាប់ស្វែងរកមូលនិធិសាងសង់សួនកម្សាន្តដំបូងគេនៅរដ្ឋកាលីហ្វញ៉ា សហរដ្ឋអាមេរិក កាលសម័យនោះ។

គំនូរស្រមើស្រមៃនេះបានលក់ដាច់ក្នុងតម្លៃ ៧០៨ ០០០ដុល្លារអាមេរិក និងត្រូវបានគេចាត់ទុកជាកំណត់ត្រាខ្ពស់មិនធ្លាប់មានរបស់ក្រុមហ៊ុន Walt Disney ដែលដាក់លក់ដេញថ្លៃមុនៗ។ នេះបើតាមការរៀបរាប់របស់អ្នករៀបចំកម្មវិធី។ ទោះយ៉ាងណា អ្នកទិញមិនត្រូវបានគេបញ្ចេញអត្តសញ្ញាណឡើយ។

គួររម្លឹកថា បន្ទាប់ពីផែនទីគូររួចរាល់ នៅរយៈពេលត្រឹម ២ឆ្នាំក្រោយ ពោលគឺនៅថ្ងៃទី ១៧ កក្កដា ឆ្នាំ ១៩៥៥ ពិភពសួនកម្សាន្តលំដាប់ពិភពលោកនេះ បានបើកសម្ពោធតាមគម្រោងប្រាកដមែន។

Disneyland ក្រៅពីជាកន្លែងកម្សាន្តពិសេសសម្រាប់កុមារ និងយុវវ័យ វាក៏ជាកន្លែងថតរឿងហូលីវូដល្បីៗ និងសម្រាប់ផលិតរឿងតុក្កតាដ៏ពេញនិយមផ្សេងទៀតដែរ។ លោក Walt បានលាចាកលោកក្នុងឆ្នាំ ១៩៦៦ នៅអាយុ ៦៥ឆ្នាំ៕