«មហាចោរនៅទល់ដែន» រឿងបែបបុរាណ តែទាក់ចិត្តយុវជនសម័យថ្មី

2017-07-18 12:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាប្រភេទអក្សរសិល្ប៍បុរាណក្ដី ប៉ុន្តែមហាចោរនៅទល់ដែន នៅតែទាក់ទាញប្រិយមិត្តអ្នកអានដែលជាយុវវ័យឱ្យស្ងើចសរសើរមិនដាច់ពីមាត់ ពីភាពប៉ិនប្រសប់រៀបរាប់ដំណើររឿង និងចរិតលក្ខណៈតួរបស់អ្នកនិពន្ធ។

យុវជនអន សាវ៉ាន់បានឱ្យបានបញ្ចេញមតិថា រឿងនេះត្រូវជាមួយអ្នកអានគ្រប់សម័យកាល ទោះរាប់រយឆ្នាំទៀត ក៏នៅតែទាក់ចិត្តដែរ។ អ្នកភ្នំពេញរូបនេះលើកឡើងទៀតថា «មុនដំបូងគិតថា វាជារឿងបែបបុរាណ ប្រហែលជាត្រូវតែជាមួយមនុស្សចាស់ទេមើលទៅ! តែពេលអានបានពីរបីទំព័រ ក៏ចាប់ផ្ដើមជក់ចិត្ត ចង់អានតទៅទៀត!»។

ស្រដៀងគ្នានេះដែរ កញ្ញាសេនគឹមណេងជាអ្នកនិពន្ធវ័យក្មេងមួយរូប បានសរសើរពីការតុបតែងចរិតលក្ខណៈតួរបស់អ្នកនិពន្ធ ដោយមិននឹកស្មានថាចរិតតួអង្គមានលក្ខណៈទំនើបដូចមនុស្សសម័យដែរសោះ។ គឹមណេងប្រាប់ថា «និយាយពីមានន្ទវិញ... អង់អាច ឆ្លាតវៃ មានឧត្ដមគតិ ពាក្យសម្ដីមួយឃ្លាៗ អានហើយអាចធ្វើឱ្យស្រីៗលង់បាន!» ។

ងាកមកមើលការបញ្ចេញយោបល់របស់អ្នកអាននៅលើប្រលោមលោកSabay វិញ គឺសុទ្ធតែសរសើរថារឿងនេះល្អអាន ចំណែកអ្នកខ្លះស្នើឱ្យផលិតជាខ្សែភាពយន្តទៀតផង។

មហាចោរទល់ដែនគឺជារឿងប្រលោមលោកបែបបុរាណរបស់លោក សាង សាវាត បោះពុម្ពជាសៀវភៅនៅឆ្នាំ១៩៥៥ ពេលនេះមានជា digital format ដែលអ្នកអានអាចអាននៅលើទូរសព្ទដៃឬកុំព្យូទ័របាន ដោយការចូលទៅកាន់ website ឬ App ប្រលោមលោកSabay។

ចុចត្រង់នេះដើម្បីអានរឿងមហាចោរនៅទល់ដែន