Lexus មិនមែនមានតែម៉ូដែល LX/RX ទេ តាមពិតមានដល់ ១៤ ប្រភេទ

2017-07-21 05:03:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ម៉ូដែលរថយន្ត Lexus ដែកគេស្គាល់ច្រើនជាងគេក្នុងប្រទេសកម្ពុជាគឺ Lexus LX និង Lexus RX ជាដើម។ ប៉ុន្តែតាមពិតទៅម៉ូដែលរថយន្ត Lexus មានសរុបដល់ទៅ ១៤ ប្រភេទខុសៗគ្នា។

LS ជាពាក្យកាត់តំណាងឲ្យពាក្យ "Luxury Sedan” ដោយសារតែវាជារថយន្តប្រភេទ Sedan។ ដោយឡែកនៅប្រទេសជប៉ុនរថយន្តនេះបានប្រើឈ្មោះថា Toyota Celsior ចាប់ពីឆ្នាំ ១៩៨៩ ដល់ ២០០៦។ Lexus LS បង្ហាញខ្លួនដំបូងនៅឆ្នាំ ១៩៨៩ ហើយមកទល់បច្ចុប្បន្នរថយន្តនេះចេញបាន ៥ ជំនាន់គត់។ រថយន្តម៉ូដែលនេះដំឡើងនៅរោងចក្រ Tahara ក្នុងទីក្រុង Tahara ប្រទេសជប៉ុន។

GS តំណាងឲ្យពាក្យថា "Grand Sedan” ដែលបានបង្ហាញខ្លួនដំបូងនៅប្រទេសជប៉ុននាឆ្នាំ ១៩៩១ ដោយពេលនោះបានប្រើឈ្មោះថា Toyota Aristo រហូតដល់ឆ្នាំ ១៩៩៣ ទើបឈ្មោះ Lexus GS បានលេចចេញឡើយ។ មកទល់ពេលនេះ GS ចេញបាន ៤ ជំនាន់ ហើយ GS នេះបានលក់ជាឈ្មោះ Aristo នៅក្នុងប្រទេសជប៉ុនរហូតដល់ឆ្នាំ ២០០៥ ពេលបង្ហាញចេញរថយន្តជំនាន់ទី ៣។ រោងចក្រដំឡើង Lexus GS គឺជារោងចក្រតែមួយដែលផលិត Lexus LS។

Lexus IS បង្ហាញខ្លួននៅប្រទេសជប៉ុនដោយមានឈ្មោះដើមគឺ Toyota Altezza រហូតដល់ឆ្នាំ ២០០៦ ពេលប្រកាសចេញជំនាន់ទីពីរទើបឈ្មោះនេះលែងប្រើនៅប្រទេសជប៉ុន។ IS តំណាងឲ្យពាក្យថា "Intelligent Sport” ហើយមកទល់ពេលនេះទើបចេញបាន ៣ ជំនាន់ប៉ុណ្ណោះ។ Lexus IS មានដំឡើងនៅរោងចក្រជាមួយ Lexus GS និង LS ហើយក៏មានដំឡើងនៅរោងចក្រ Miyata នៃទីក្រុង Miyawaka ប្រទេសជប៉ុនផងដែរ។

GX នេះក៏ឃើញមានគេប្រើប្រាស់ច្រើននៅប្រទេសកម្ពុជាដែរ។ “Grand Crossover” ជាពាក្យពេញនៃពាក្យ GX ហើយរថយន្តនេះក៏ត្រូវបានគេហៅថាជា Toyota Land Cruiser Prado ព្រោះផលិតដោយផ្អែកតាម Land Cruiser Prado គ្រាន់តែមានលក្ខណៈពិសេសជាងបន្តិច។ ចាប់តាំងពីបង្ហាញខ្លួនដំបូងកាលពីឆ្នាំ ២០០២ មកទល់បច្ចុប្បន្ន Lexus GX ចេញបាន ៣ ជំនាន់។ រោងចក្រដែលដំឡើង GX ជារោងចក្រតែមួយដែលផលិត Lexus LS និង GS។

Lexus RC ទើបតែបង្ហាញខ្លួនកាលពីឆ្នាំ ២០១៣ កន្លងទៅនេះដែរទេ ហើយឈ្មោះពេញរបស់វាគឺ "Radical Coupe"។ Lexus RC ក៏ដំឡើងនៅរោងចក្រ Tahara ក្នុងទីក្រុង Tahara ប្រទេសជប៉ុនដែរ។

Lexus CT បង្ហាញខ្លួនជាផ្លូវការនៅឆ្នាំ ២០១០ ក្នុងកម្មវិធី Geneva Auto Show។ CT តំណាងឲ្យពាក្យថា "Creative Touring” ប៉ុន្តែមានក្រុមហ៊ុននាំចូលខ្លះបានហៅវា "Compact Touring"។ រថយន្តនេះដំឡើងនៅរោងចក្រ Kokura ក្នុងក្រុង Kitakyushu ប្រទេសជប៉ុន។

Lexus HS ទើបតែចេញបានមួយជំនាន់ប៉ុណ្ណោះ ចាប់តាំងពីពេលបង្ហាញខ្លួនលើកដំបូងនាឆ្នាំ ២០០៩ រួចមក។ យោងតាម Lexus ពាក្យថា HS តំណាងឲ្យពាក្យថា Harmonious Sedan។ រថយន្តម៉ូដែលនេះដំឡើងនៅរោងចក្រជាមួយនឹង Lexus CT។

ដូចដែលបានប្រាប់ម្សិលមិញ Lexus RX ជំនាន់ដំបូងបានចេញលក់នៅប្រទេសជប៉ុនអំឡុងខែធ្នូ ឆ្នាំ ១៩៩៧ ដោយនៅក្នុងប្រទេសជប៉ុនរថយន្តនេះមានឈ្មោះថា Toyota Harrier ប៉ុន្តែសម្រាប់ទីផ្សារក្រៅស្រុកគេបានប្រើឈ្មោះ Lexus RX។ ពាក្យ RX នេះតំណាងឲ្យពាក្យពេញថា Radiant Crossover ហើយសម្រាប់ជំនាន់ទីមួយមានអមដោយលេខ 300 (Lexus RX 300)។ មកទល់ពេលនេះ Lexus RX មានសរុប ៤ ជំនាន់ ដោយមានដំឡើងនៅរោងចក្របីផ្សេងៗគ្នារួមមាន Kokura ក្នុងក្រុង Kitakyushu ប្រទេសជប៉ុន, រោងចក្រ Miyata នៃទីក្រុង Miyawaka ប្រទេសជប៉ុន និង រោងចក្រ Cambridge ក្នុងទីក្រុង Cambridge ប្រទេសកាណាដា។

ចាប់តាំងពីឆ្នាំ ១៩៨៩ មក Lexus ES ចេញបាន ៦ ជំនាន់ហើយ ដោយ ៥ ជំនាន់ដំបូងផលិតដោយយកលំនាំតាម Toyota Camry ចំណែកជំនាន់ទី ៦ ផលិតតាម Toyota Avalon។ ES មកពីពាក្យពេញថា "Executive Sedan" ប៉ុន្តែអ្នកនាំចូលខ្លះបានហៅវាថា "Elegant Sedan"។ រថយន្តនេះដំឡើងនៅរោងចក្រពីររួមមានរោងចក្រ Miyata និង រោងចក្រ Cambridge។

បានបង្ហាញខ្លួនដំបូងនៅឆ្នាំ ២០១៤ ដោយជាម៉ូដែលក្រោម Lexus RX បន្តិច។ ពាក្យថា NX តំណាងឲ្យពាក្យថា "Nimble Crossover” ហើយរថយន្តនេះដំឡើងនៅរោងចក្រ Miyata។

LFA

ម៉ូដែល LFA នេះមានអាយុកាលត្រឹម ២ ឆ្នាំប៉ុណ្ណោះ ពោលពីឆ្នាំ ២០១០ ដល់ ឆ្នាំ ២០១២ ដោយពីរឆ្នាំនេះផលិតបានចំនួន ៥០០ គ្រឿង។ LFA មកពីពាក្យពេញថា “Lexus Fuji Apex” ហើយរថយន្តនេះដែរដំឡើងនៅរោងចក្រ Motomachi នៃទីក្រុង Toyota ប្រទេសជប៉ុន។

ឈ្មោះ LC នេះមកពីពាក្យថា "Luxury Coupe” ដែលទើបបង្ហាញខ្លួនកាលពីចុងឆ្នាំ ២០១៦ កន្លងទៅ។ ដំណើរការផលិតរថយន្តនេះបានចាប់ផ្ដើមនៅខែមេសា ឆ្នាំ ២០១៧ ដោយផលិតនៅរោងចក្រ Motomachi។

Lexus SC បានបង្ហាញខ្លួនតាំងពីឆ្នាំ ១៩៩១ ដោយបានបញ្ចប់ការផលិតត្រឹមឆ្នាំ ២០១០ បន្ទាប់ពីចេញបាន ២ ជំនាន់ ហើយ SC តំណាងឲ្យពាក្យថា "Sport Coupe”។ រថយន្តនេះដំឡើងនៅរោងចក្រមួយដាច់ដោយឡែកពីគេ គឺរោងចក្រ Higashi Fuji ដែលមានទីតាំងនៅ Susono ប្រទេសជប៉ុន។

ប្រិយមិត្តមួយចំនួនប្រហែលជាស្គាល់ថាពាក្យ LX មកពីពាក្យពេញថា "Luxury Crossover”។ ចាប់តាំងពីឆ្នាំ ១៩៩៥ មករថយន្តនេះចេញបាន ៣ ជំនាន់ហើយ ដោយរថយន្តនេះបង្កើតឡើងយកលំនាំតាមរថយន្ត Toyota Land Cruiser។ ជំនាន់ដំបូង Lexus LX មានអមដោយលេខ 450 តំណាងឲ្យម៉ាស៊ីនទំហំ ៤,៥ លីត្រ ហើយជំនាន់ចុងក្រោយគឺ LX 570 ដែលតំណាងឲ្យម៉ាស៊ីនទំហំ ៥,៧ លីត្រ។ រថយន្តនេះក៏ផលិតនៅរោងចក្រមួយដាច់ពីគេ គឺរោងចក្រ Sanage ក្នុងទីក្រុង Toyota ប្រទេសជប៉ុន៕

ចុចអាន៖

ប្រភព៖ Wikipedia ប្រែសម្រួល៖ សុខហេង

ពាក្យទាក់ទង

ចំណេះដឹងបច្ចេកវិទ្យា Lexus

អត្ថបទពេញនិយម

តារាចម្រៀងរាប់ភ្លេចលើលោក ប៉ុន្តែមានតែ ២៩នាក់ជាប់ជា «បុគ្គលមានឥទ្ធិពលខ្លាំង» លើ Instagram

១៣មេសានេះ ជាថ្ងៃទីមួយនៃពិធីបុណ្យចូលឆ្នាំខ្មែរ ឬជាថ្ងៃមហាសង្ក្រាន្ត

តារា K-Pop នារីទាំង ១០ ជាប់ជាសំណព្វចិត្តរបស់ក្រុមនារីស្រឡាញ់ភេទដូចគ្នានៅកូរ៉េ

មកស្គាល់ពីរថភ្លើងមានល្បឿនលឿនបំផុតក្នុងសម័យទំនើប

មកដឹងអំពី! អត្ថន័យពិធីស្រង់ព្រះថ្ងៃបុណ្យចូលឆ្នាំខ្មែរ មិនសម្តៅតែលើព្រះពុទ្ធបដិមាទេ កុំភ្លេចព្រះរស់ក្នុងផ្ទះ

ស្មាត់ ក្អាត់ រំលឹករឿងហួសចិត្តនិងអស់សំណើចមួយកាលដើរលេងបាល់ទះឆ្នាំ ២០០៤-២០០៥

អត្ថបទថ្មី

សិង្ហបុរីនឹងមាននាយករដ្ឋមន្ត្រីថ្មីនៅខែក្រោយ

ចិត្តដូចគ្នាណាស់! បវរកញ្ញា ៣រូប លើកយកសារ៉ុងខ្មែរមកច្នៃជាឈុត fashion ដើម្បីផ្សព្វផ្សាយ

១៦មេសានេះ ជាថ្ងៃចុងក្រោយនៃពិធីបុណ្យចូលឆ្នាំខ្មែរ ឬជាថ្ងៃវារៈឡើងស័ក

Kdrama ទាំង៥នេះធ្វើឱ្យអ្នកគាំទ្រ ជក់ចិត្តខ្លាំងជាមួយសមត្ថភាពសម្ដែងរបស់ Kim Soo Hyun

មកស្គាល់ពីរថភ្លើងមានល្បឿនលឿនបំផុតក្នុងសម័យទំនើប