ឡូយ AirAsia បើកជើងហោះហើរទៅមករវាងខេត្តព្រះសីហនុ និងកូឡាឡាំពួរ ហើយ

2017-08-09 10:01:45
ចំនួនមតិ 0 | ចំនួនចែករំលែក 0

ចន្លោះមិនឃើញ

AirAsia ក្រុមហ៊ុនអាកាសចរណ៍ដឹកអ្នកដំណើរតម្លៃទាបជាងគេក្នុងពិភពលោកបានបន្ថែមចំណតគោលដៅមួយទៀតគឺពីក្រុងកូឡាឡាំពួរ មកក្រុងព្រះសីហនុ ៤ដង ក្នុងមួយសប្ដាហ៍ ព្រមទាំងបម្រើការចាប់ពីថ្ងៃនេះតទៅហើយ។ នេះបើតាមការឲ្យដឹងពីលោក Spencer Lee ប្រធានពាណិជ្ជកម្ម AirAsia Berhad ថ្លែងក្នុងជំនួបរវាងអ្នកសារព័ត៌មានខ្មែរក្នុងដំណើរទស្សនកិច្ចនៅប្រទេសម៉ាឡេស៊ីកាលពីថ្ងៃទៅ០៣ សីហា កន្លងទៅ។

លោក Spencer Lee ប្រធានពាណិជ្ជកម្ម AirAsia Berhad

បន្ថែមពីនេះលោក Spencer Lee និយាយថា៖ "ក្នុងនាមជាក្រុមហ៊ុនទីមួយពីម៉ាឡេស៊ីបើកប្រតិបត្តិការសម្រាប់ផ្លូវអាកាស យើងចង់បន្តនាំមុខទីផ្សារនេះ ដោយប្រើប្រាស់ទ្រព្យដ៏មានតម្លៃដែលមិនទាន់ដឹងក្នុងតំបន់អាស៊ានដូចទីក្រុងមួយនេះរបស់កម្ពុជា ទៅកាន់ពិភពលោក"។

ប្រធានផ្នែកពាណិជ្ជកម្មខាងលើបានអះអាងថា ការហោះហើរត្រង់នេះ នឹងធ្វើឱ្យប្រទេស រួមទាំងប្រជាជនទាំងពីរ បង្កើនកិច្ចសហប្រតិបត្តិការគ្នាកាន់តែជិតស្និទ្ធ និងកាន់តែងាយស្រួលជាងមុន មិនតែប៉ុណ្ណោះថែមទាំងជួយដល់សេដ្ឋកិច្ចរវាងប្រទេសទាំងពីរទៀតផង។

មិនមែនមានតែពីកូឡាឡាំពួរមក ព្រះសីហនុ ប៉ុណ្ណោះទេ តែក្រុមហ៊ុនអាកាសចរណ៍ Air Asia ក៏មានការហោះហើរត្រង់ពីទីក្រុងកូឡាឡាំពួរ មកកាន់រាជធានីភ្នំពេញ និងមានការហោះហើរត្រង់ពី ទីក្រុងបាងកក ប្រទេសថៃ មកកាន់រាជធានីភ្នំពេញ និងពីទីក្រុងបាងកក ប្រទេសថៃ ទៅកាន់ទីក្រុងសៀមរាបផងដែរ។

ជាក់ស្តែងកម្មវិធីទស្សនកិច្ចនេះប្រព្រឹត្តិទៅនៅក្នុងស្ថាប័នផ្ទាល់របស់ក្រុមហ៊ុន AirAsia កាលពីថ្ងៃ០៣ ឧសភា មានការចូលរួមពីបណ្ដាអ្នកសារព័ត៌មាន៥ស្ថាប័នពីកម្ពុជា ក្នុងនោះក៏មានវិបសាយ Sabay ផងដែរ។ មិនតែប៉ុណ្ណោះក្រុមអ្នកសារព័ត៌មានកម្ពុជាត្រូវបានអ្នករៀបចំកម្មវិធីទស្សនកិច្ចតំបន់ជាច្រើននៅប្រទេសម៉ាឡេស៊ីដូចជា ស្នាក់ការកណ្តាលរបស់ AirAsia, RedQ, KL Arch Gallery, តំបន់ផ្សារទំនើប Mitsui Outlet Park, Merdeka Square, KLCC Shopping Mall, Awana transport Hub, Skyavenue, senikomeនិងតំបន់សំខាន់ៗមួយចំនួនទៀត៕