សណ្ដែក​ផ្កាយ​ ជា​រុក្ខជាតិ​ម្យ៉ាង​ដែល​ងាយ​ស្រួលដាំ​ យើង​ដាំ​រយៈពេល​តែ៨ខែ​ អាច​ប្រមូលផលបាន។ ​ដើម​វាមាន​អាយុ​រវែង​ ​និងដុះ​រហូតគ្មាន​រដូវកាល​ឡើយ ​ទន្ទឹម​នឹង​នេះ​ អត្ថ​ប្រយោជន៍​វាគឺតាំងពី​សំបក​រហូតដល់​សាច់​ខាងក្នុង​។ ​តំណាង​ហគមន៍​ ​ដាំផ្លែ​សណ្ដែក​ផ្កាយ​នៅ​ខេត្តរតនគីរី​បាន​ឲ្យ​ដឹង​ថា​ គ្រាប់​វាមាន​ដើម​កំណើតពី​ប្រទេសប៉េរូ ​ហើយ​បច្ចុប្បន្ន​កំពុង​ត្រូវប៉ាន់​សម្រាប់​ប្រជាជន​កម្ពុជា​ទាំងក្មេង​ និង​ចាស​។

អ្នកនាង​ សុខ ណាវី ​បុគ្គលិក​ទីផ្សារ​នៃសហគមន៍អភិវឌ្ឍន៍កសិកម្ម​កម្ពុជា​ បាន​រៀបរាប់​អត្ថប្រយោជន៍ ផ្លែ​របស់វាចែកចេញជា៣ផ្នែកគឺ៖ ​១.យកធ្វើជាឱសថ ​២.ធ្វើជាគ្រឿងសំអាង​ ៣.ធ្វើជាអាហារ​។ ​អ្នកនាង​ថា គ្រាប់​នេះ​បែងចែក ​៣សារជាតិ​ ដូចជា​ Omega3 ​សម្រាប់​អ្នកមាន​ជម្ងឺ​លើសឈាម​ ​ទឹក​នោមផ្អែម​, Omega6 សម្រាប់​ថែរក្សា​សម្រស់​ និងOmega9 ​ជាប្រេង​សម្រាប់ចម្អិន​អាហារនានា ​បំប៉ន​សុខភាព​។

​អ្នកនាងថាៈ​ « ​នៅពេលណា​ដែល​យើង​មានវ័យ​កាន់​តែ​ចំណាស់​ទៅ​ ​យើង​ទទួល​ទាន​គ្រាប់នេះ​ ជា​រៀងរាល់​ថ្ងៃ​យើង​នឹង​មានសុខភាពល្អ​​ និងជួយ​ទប់ស្កាត់​ជម្ងឺ​នានា.​..តែ​សម្រាប់​អ្នក​មាន​ជម្ងឺស្រាប់​ ​ទទួល​ទាន​ វានឹង​ព្យាបាល​ជម្ងឺសះ​ស្បើយ​»។

​ដោយឡែក​សម្រាប់​ការ​បរិភោគ ​អ្នកនាង​បញ្ជាក់ថា​ ​សម្រាប់​អត់​មាន​ជម្ងឺ ​គួរញ៉ាំ​វា​តិចតួច​​ ១ថ្ងៃ ​១គ្រាប់ ​និង​អ្នកមាន​ជម្ងឺ ​គួរ​ទទួលទាន​ច្រើន​ជាប្រចាំ​ថ្ងៃ​។ ​ជា​ពិសេស​សម្រាប់​អ្នកធាត់​ ​មាន​ជាតិ​ខ្លាញ់​ច្រើន​ លើស​ជាតិ​អាស៊ីត​ ​ស្ទះសសៃ​ឈាម​ ​គួរ​ទទួលទាន​ជាប្រេង​សុទ្ធ​ដែល​ចម្រាញ់​ពី​គ្រាប់​សណ្ដែក​ផ្កាយ​ នឹង​ជួយ​សម្រួល​ដល់​សរសៃ​ឈាម​បានល្អ​។

សូមទស្សនាវីដេអូបង្ហាញខាងក្រោមនេះ

​ **ចុចអានបន្ទាប់** - [ការ​នាំផ្លែស្វាយកែវរមៀតកម្ពុជា​ចេញ​ទៅ​ក្រៅ​ប្រ​ទេស​ កំពុង​ជួបរបាំង​ពីរ](http://news.sabay.com.kh/article/961760#utm_campaign=onpage) - [អឺរ៉ុបទទួលស្គាល់ ”ខេត្តព្រះវិហារ” ជាតំបន់ផលិតកសិកម្មសរីរាង្គល្អបំផុតរបស់កម្ពុជា](http://news.sabay.com.kh/article/961859#utm_campaign=onpage) - [​កម្ពុជា​នឹង​ចំណេញ​លើស​ពី​ការ​គិត​ បើ​កសិករ​នាំ​គ្នា​ដាំ​ស្រូវ​សរីរាង្គ​](http://news.sabay.com.kh/article/957430#utm_campaign=onpage)

អត្ថបទ៖ ស៊ិន សាវ៉េត