ទីបំផុត! រកឃើញអ្នកច្នៃម៉ូដវ័យក្មេងឆ្នាំ ២០១៧ របស់ AirAsiaហើយ

2017-08-23 08:26:11
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី១៨ សីហា កម្មវិធីស្វែងរកអ្នកច្នៃម៉ូតវ័យក្មេងប្រចាំឆ្នាំរបស់ AirAsia បានរកឃើញអ្នកឈ្នះហើយ ដែលមកពីវៀតណាមបានត្រលប់ទៅប្រទេសខ្លួនវិញជាមួយហ្នឹងរង្វាន់ជាទឹកប្រាក់ 350.000 រីងហ្គីត រួមហ្នឹង កម្រងសំលៀកបំពាក់ចេញពីការច្នៃម៉ូតលក់នៅគេហទំព័រ FashionValet និងកន្លែងប្រកបអាជីព ពីម្ចាស់កម្មវិធី និងទស្សនាវដ្ដីប្រជុំម៉ូដល្បីៗ KL Fashion Week Ready To Wear 2018 ។

វគ្គប្រកួតចុងក្រោយនេះមានវត្តមានអ្នកច្នៃម៉ូតវ័យក្មេងសរុបចំនួន 20នាក់ មកពីបណ្ដាប្រទេសសមាជិកអាស៊ានទាំង10ប្រទេសដោយការបង្ហាញនូវម៉ូតសំលៀកបំពាក់ប្រកបដោយគំនិតឆ្លាតវៃដែលជាសញ្ញាណប្រចាំប្រទេសនីមួយៗ។

អ្នករចនាម៉ូតពីររូបត្រូវបានជ្រើសរើសតំណាងប្រទេសខ្លួន បន្ទាប់ពីឆ្លងផុតវគ្គជម្រុះទូទាំងតំបន់អាស៊ានកាលពីខែមេសាកន្លងទៅដោយផ្ដើមចេញពីក្រុងម៉ានីល មុនមកដល់ក្រុង Bandar Seri Begawan កូឡាឡាំពួរ ប្រទេសសិង្ហបុរី ក្រុងហូជីមិញ ក្រុងរ៉ង់ហ្គូន ក្រុងហ្សាកាតា ក្រុងបាងកក ក្រុងវៀងចន្ទន៍ និងបញ្ចប់នៅក្រុងភ្នំពេញ កាលពីខែមិថុនា។

អ្នករចនាម៉ូតឈ្មោះ Tran Thi Tu ជនជាតិវៀតណាម ត្រូវបានគណៈមេប្រយោគប្រកាសជាអ្នកឈ្នះនិងទទួលបានរង្វាន់រួមមាន កន្លែងប្រកបអាជីពពីម្ចាស់កម្មវិធីនិងទស្សនាវដ្ដីប្រជុំម៉ូដល្បីៗ KLFW RTW 2018 កុងត្រារយៈពេលមួយឆ្នាំក្នុងការបណ្ដុះបណ្ដាលមុខជំនាញពីក្រុមKLFW RTW ទឹកប្រាក់ 25.000 ពីម្ចាស់ឧបត្ថម្ភ FashionValet ក្នុងការជួយផលិតម៉ូតលក់នៅលើគេហទំព័រ fashionvalet.com រង្វាន់ពិន្ទុ BIG Points ចំនួន 150.000ពិន្ទុពីAirSia ការផ្សព្វផ្សាយលើទស្សនាវដ្ដី AirAsia’s Travel3Sixty ចំនួន6ទំព័រ ការផ្សព្វផ្សេងលេខពិសេសនៅលើទស្សនាវដ្ដីស្ត្រីម៉ាឡេស៊ី និងសំបុត្រហោះហើរទៅមកចំនួនពីរពីAirAsia។

លោកស្រី Aireen Omar នាយកប្រតិបត្តិក្រុមហ៊ុន AirAsia Berhad ថ្លែងថា«ក្នុងនាមជាអាកាសចរណ៍ចេញពីអាស៊ានពិតៗ យើងមានមោទនភាពក្នុងការបន្តគាំទ្រដល់គំនិតច្នៃប្រឌិតរបស់យើងតាមរយៈកម្មវិធីបែបនេះ និងការពង្រីងកម្មវិធីស្វែងរកអ្នករចនាម៉ូតដល់កម្រិតតំបន់ក្នុងការប្រមូលយកអ្នកមានទេពកោសល្យពីបណ្ដាប្រទេសអាស៊ានទាំង10 ។

លោក Andrew Tan ស្ថាបនិកនៃម្ចាស់កម្មវិធី Kuala Lumpur Fashion Week Ready To Wear និយាយថា៖ " ក្នុងរយៈពេល 3ឆ្នាំកន្លងមកនេះ AirAsia ក្នុងនាមជាដៃគូរបស់កម្មវិធី Kuala Lumpur Fashion Week គឺជាអ្នកពិសេសមិនអាចកាត់ថ្លៃបាន។ ការសហការនេះធ្វើឱ្យយើងមិនត្រឹមតែមានវត្តមាននៅលើបណ្ដាញសារព័ត៌មាននិងជាអ្នកមានឥទ្ធិពលក្នុងតំបន់ប៉ុណ្ណោះទេ ប៉ុន្តែថែមទាំងបង្កើនទំនាក់ទំនងខ្លាំងឡើងនូវច្រើនផ្នែកជាមួយ ថ្នាក់ដឹកនាំក្នុងការផ្ដល់នូវគំនិតរបស់ពួកគេ សាលារចនាម៉ូត អ្នករចនាម៉ូតនិងសកម្មជនក្នុងឧស្សាហកម្មច្នៃម៉ូតនៅក្នុងបណ្ដាប្រទេសជិតខាង។"

លោកស្រី Vivy Yusof សហស្ថាបនិកនៃក្រុមហ៊ុន FashionValet បានថ្លែងថា៖ « ឆ្នាំនេះមិនអាចចាត់ទុកជាប្រភេទឆ្នាំពិសេសនោះទេ។ ចាប់តាំងពីអ្នកច្នៃម៉ូតតំបន់ រហូតដល់អ្នកមានបទពិសោធន៍ដែលអាស៊ានបានផ្ដល់ជូនល្អបំផុតនោះ។ នេះជាដំណើរផ្សងព្រេងឆាប់រហ័ស។ FashionValet មានកិត្តិយសក្នុងនាមជាអ្នកទីមួយដែលឧបត្ថម្ភដល់អ្នកឈ្នះឈ្មោះ Anuruk Jaidee កាលពីឆ្នាំមុនមកពីប្រទេសថៃ ហើយយើងសង្ឃឹមថា វានឹងជាចំណុចចាប់ផ្ដើមជំរុញបន្ថែមនូវយីហោអាស៊ាននៅលើគេហទំព័ររបស់យើង។"

កម្មវិធីស្វែងរក អ្នកច្នៃម៉ូដវ័យក្មេង AIRASIA RUNWAY ត្រូវបានបង្កើតឡើងក្នុងបំណងជំរុញយុវវ័យនិងបណ្ដុះបណ្ដាលអភិវឌ្ឍអ្នកមានទេពកោសល្យក្នុងឧស្សាហកម្មរចនាម៉ូតសំលៀកបំពាក់ក្នុងតំបន់៕

ដោយ៖ ថា ម៉ាលីដា