ដ្រូនជាយន្តហោះបញ្ជាដោយបច្ចុប្បន្នវាត្រូវបានគេពេញនិយមប្រើប្រាស់យ៉ាងទូលំទូលាយរហូតធ្វើឱ្យទីផ្សាររបស់វាហក់ខ្ពស់។

ខាងក្រោម​នេះ Sabay នឹង​បង្ហាញជូនដ្រូនទាំង ៩ ដែលមានតម្លៃកប់ពពក​ដូច​ជា៖

9. DJI Matrice 600 Pro Drone តម្លៃ ៥ ​០០០ ដុល្លារ

DJI Matrice 600 Pro Drone ស្លាបចក្រ ៦ របស់ក្រុមហ៊ុនចិន DJI  អាចដឹកទំនិញ ១៥ គីឡូក្រាមក្នុងចម្ងាយហោះហើរបាន ៣៥ នាទី។ រូបរាងរបស់វាធ្វើពីសរសៃរកាបូនដើម្បីមាន ទម្ងន់ស្រាលតែរឹងមាំ។

DJI Matrice Pro បង្កប់សេនស័រចាប់សញ្ញាជាច្រើនជួយការពារកុំឱ្យមានមានគ្រោះថ្នាក់។

8. Lifter Series v1.0 Octocopter តម្លៃ ៧ ០០០ ដុល្លារ

Faucon’s Drone ជា​ដ្រូនផលិតសម្រាប់តែទឹកដីអាមេរិក មានស្លាបចក្រ ៨ ដើម្បីរក្សាលំនឹងក្នុងទីតាំងខ្ពស់បានយ៉ាងល្អ។

7. FlyByCopters’ X8 640R តម្លៃ​ ១២ ០០០ ដុល្លារ​

សម្រាប់ប្រិយមិត្តចូលចិត្តការប្រមាញ់រូបភាពកម្រិតខ្ពស់  ដ្រូន FlyByCopters’ X8 640R មានកាមេរ៉ាចាប់យករូបភាពក្នុងទីងងឹតបានក្នុងកម្រិត 4K។

ក្រៅពីនេះវាក៏ភ្ជាប់មកជាមួយប្រព័ន្ធ GPS និងការហោះហើរស្វ័យប្រវត្តិទៀតផង។

6. Freefly Systems ALTA 8 តម្លៃ ១៧ ៤៩៥ ដុល្លារ

ដ្រូន ALTA 8 មានស្លាបចក្រ៨ផលិតពីសរសៃរកបូនដែលអាចដឹកឥវ៉ាន់បាន ៩ គីឡូក្រាមនិងបំពាក់កាមេរ៉ាផ្តល់រូបភាពគុណភាពច្បាស់ត្រជាក់ភ្នែក ។

5. Xact SenseMAX-8 Utility UAV v1.2 តម្លៃ ១៩ ៦៩៥ ដុល្លារ

ការហោះហើរ និងចុះចតដោយស្វ័យប្រវត្តិ។ ដ្រូន MAX-8 បង្កប់កាមេរ៉ា ២ កន្លែងងាយស្រួលចាប់យករូបភាពកម្រិត 3D។ ​​

4.Draganflyer X4-ES 2 តម្លៃ ២៥ ០០០ ដុល្លារ

កាមេរ៉ា ២១ មេហ្កាភិចស៊ែលរបស់ដ្រូន Draganflyer X4-ES  អាចប្រមាញ់រូបភាពច្បាស់ល្អ។

3.MULTIROTOR G4 Eagle V2 Cargo តម្លៃ ៣ ០០០ ដុល្លារ

ស្លាប់ចក្រ ៨ ដ្រូន MULTIROTOR G4 Eagle V2 អាចដឹកជញ្ជូនទំនិញទម្ងន់តិចជាងពីរគីឡូក្រាមគ្រប់ទីកន្លែង។

​​2. AEE F100 តម្លៃ​ ៥៨ ០០០ ដុល្លារ

ដ្រូន  AEE F100 មានបច្ចេកវិទ្យាពិសេសខុសប្លែកពីដ្រូនដ៏ទៃទៀតពោលគឺ មានបច្ចេកវិទ្យាឆ្លាតវៃ AI។

1. EHang 184 តម្លៃ ៣៥០ ០០០ ដុល្លារ

EHang 184 គឹជាដ្រូនកូនកាត់មានន័យថាអាចមានកាប៊ីនសម្រាប់អ្នកបើកបរម្នាក់អង្គុយ ក្នុងរយៈចម្ងាយ ៦០ គីឡូម៉េត្រក្នុង ១ ម៉ោងនិងហោះហើរអតិបរមា ២៥​ នាទី ។

ប្រភព៖ Therichest   ប្រែសម្រួល៖ សិរីបុទ្រ