ក្រុមហ៊ុន​អាកាសចរណ៍ AirAsia បាន​បង្ហាញ​ពី​កម្មវិធី Freedom Flyer Programme ដំបូង​របស់​ពិភព​លោក​កាល​ពី​ថ្ងៃ​ទី៨ កញ្ញា ២០១៧ ដែល​មាន​គោល​បំណង​ធ្វើ​ឱ្យ​ងាយ​ស្រួល រហ័ស និង​ល្អ​ជាង​មុន​សម្រាប់​ភ្ញៀវ​ដែល​មាន​ភក្ដីភាព​ដើម្បី​ទទួល​បាន BIG Points របស់ AirAsia។

Freedom Flyer Programme ដែល​ត្រូវ​បាន​រៀបចំ​ដោយ AirAsia BIG Loyalty គឺ​ផ្អែក​លើ​ប្រព័ន្ធ​ស្ថានភាព​ជា​សមាជិក​តែ​មួយ​គត់ ដោយ​ភ្ញៀវ​ហោះហើរ​កាន់​តែ​ញឹក ពួកគេ​កាន់​តែ​ឆាប់​ទទួល​បាន BIG Points ដោយ​មិន​គិត​ពី​ចំនួន​ទឹក​ប្រាក់​នោះ​ទេ។

លោក Datuk Kamarudin Meranun ជា​សហ​ស្ថាបនិក និង​នាយក​ប្រតិបត្តិ AirAsia X Group មាន​ប្រសាសន៍​ថា៖ "នេះ​ជា​វិធី​របស់​យើង​ក្នុង​ការ​និយាយ​អរគុណ​ដល់​ភ្ញៀវ​ដែល​មាន​ភក្ដីភាព​សម្រាប់​ការ​ហោះ​ហើរ​ជាមួយ​យើង"។

រាល់​ការ​ចំណាយ RM10 សមាជិក​ពណ៌៖

• ក្រហម​ទទួល​បាន​ដល់ 20 BIG Points
• មាស​ទទួល​បាន 40 BIG Points
• ប្លាទីន​បាន 70 BIG Points
• ខ្មៅ​បាន​ដល់ 120 BIG Points

នាយក​ប្រតិបត្តិ AirAsia BIG Loyalty លោក Dato 'Eddy Leong បាន​និយាយ​ថា៖ "​កម្មវិធី Freedom Flyer Programme របស់​យើង​គឺ​ជា​ប្រភេទ​ដំបូង​គេ​នៅ​ក្នុង​ពិភព​លោក​ដែល​ត្រូវ​បាន​រចនា​ឡើង​ជាពិសេស​សម្រាប់​មនុស្ស​គ្រប់​រូប មិន​ថា​អ្នក​ជា​នរណា និង​អ្នក​ធ្វើ​អ្វី​នោះ​ទេ Freedom Flyer Programme ជា​វិធី​របស់​យើង​ក្នុង​ការ​និយាយ​អរគុណ​អ្នក ដែល​ធ្វើ​ឲ្យ AirAsia អស្ចារ្យ"។

ដើម្បី​ស្វែង​យល់​បន្ថែម​ពី Freedom Flyer Programme ឬ​ដើម្បី​ចុះឈ្មោះ ចូល​វិបសាយ airasiabig.com ឬ​ទាញ​យក​កម្មវិធី​ទូរសព្ទ​ដែល​មាន​ស្រាប់​របស់ AirAsia BIG Loyalty។

AirAsia ជា​ជើង​ហោះហើរ​មាន​តម្លៃ​ទាប និង​ធំ​មួយ​នៅ​អាស៊ី តាម​រយៈ​ការ​ដឹក​អ្នក​ដំណើរ ការ​បម្រើ​សេវា​បណ្ដាញ​ជាង ១២០គោលដៅ ដោយ​ចាប់​តាំង​ពី​ប្រតិបត្តិការ​ក្នុង​ឆ្នាំ២០០១ មក AirAsia បាន​ដឹក​ជញ្ជូន​ភ្ញៀវ​ជាង ៤០០​លាន​នាក់ និង​បាន​ពង្រីក​យន្តហោះ​ដល់​ទៅ​ជាង ២០០គ្រឿង៕