កូនស្រីតារាម៉ូដែល Cindy Crawford ដើរបង្ហាញម៉ូដ រូបរាងស្អាតខ្លាំងមិនចាញ់ម្ដាយ

2017-09-27 08:59:55
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនស្រីរបស់កំពូលតារាម៉ូដែល Cindy Crawford ឈ្មោះ Kaia Gerber បានត្រូវគេជ្រើសរើសជាតារាជួរមុខដើម្បីដើរម៉ូតក្នុងកម្មវិធី Yves Saint Laurent Paris Fashion Week កាលពីថ្ងៃអង្គារដោយមានការចូលរួមពីសំណាក់តារាល្បីៗជាច្រើន ដើម្បីបង្ហាញម៉ូតសំលៀកបំពាក់រដូវផ្ការីកនិងរដូវក្ដៅ ឆ្នាំ ២០១៨ ឈ្មោះថា "Ready to Wear collection” របស់អ្នករចនាម៉ូដសំលៀកបំពាក់សញ្ជាតិបែលហ្សិក លោក Anthony Vaccarello។

Kaia Gerber

តារាម៉ូដែលល្បីឈ្មោះ Cindy Crawford

តារាវ័យ ១៦ ឆ្នាំរូបនេះត្រូវបានគេប្រទះឃើញចូលរួមកម្មវិធីនេះដោយបានដើរបង្ហាញម៉ូតសំលៀកបំពាក់ស្រស់ៗស្អាតជាច្រើនឈុត។ អ្វីដែលគួរឲ្យចាប់អារម្មណ៍បំផុតនោះគឺ កម្មវិធីនេះធ្វើឡើងនៅទីតាំងដ៏ពិសេសមួយ ដែលតម្រូវឲ្យតារាម៉ូដែលដើរបង្ហាញម៉ូតក្បែរប៉ម Tour Eiffel តែម្ដង។

នេះមិនមែនជាលើកទី១ទេដែល Kaia ចូលរួមបង្ហាញម៉ូតក្នុងកម្មវិធីធំៗបែបនេះ នាងត្រូវបានគេកត់សម្គាល់ថាបានចូលរួមបង្ហាញម៉ូតនៅកម្មវិធី Versace show ជាកម្មវិធីដ៏ពិសេសមួយបានចូលរួមដោយម្ដាយនាង តារាម៉ូដែលល្បីឈ្មោះ Cindy Crawford ទៀតផង៕

តោះ! អីចឹងមកមើលទិដ្ឋភាពទាំងនេះទាំងអស់គ្នា៖