អ្នកភូមិមួយនៅខេត្តតាកែវចូលចិត្តចិញ្ចឹមពពែជាងចិញ្ចឹមគោឬក្របី

2017-09-27 08:40:40
ចំនួនមតិ 0 | ចំនួនចែករំលែក 0

ចន្លោះមិនឃើញ

មុខរបរចិញ្ចឹមពពែកំពូងពេញនិយមសម្រាប់ពលរដ្ឋខ្មែរឥស្លាមនៅក្នុងកោះអណ្តែតខេត្តកាកែវ ដោយថាមុខរបរនេះជួយផ្តល់ចំណូលបន្ថែមពីការងារស្រែចម្ការ និងថាម្យ៉ាងងាយស្រួលចិញ្ចឹម ហើយមានទីផ្សារ។

បើគេធ្វើដំណើរទៅកាន់ឃុំរមេញ ស្រុកកោះអងណ្តែត នោះនឹងជឃើញពលរដ្ឋខ្មែរឥស្លាមមួយចំនួនកំពុងឃ្វាលពពែរបស់គាត់ឲ្យដើរស៊ីស្មៅ និងស្លឹកឈើនៅតាមភ្លឺស្រែ។

លោក ស៊ូ សេន មានវ័យ៧៥ឆ្នាំ កំពុងឃ្លាវពពែរបស់គាត់ឲ្យស៊ីស្មៅ និងស្លឹកឈើតាមភ្លឺស្រែកប្រាប់ Sabay ថាលោកបានសហការជាមួយកូនដើម្បីទិញពូជពពែចិញ្ចឹមកាលពីឆ្នាំ២០០៩។ លោកបន្តថា កាលណោះលោកទិញពពែញឺចំនួនប្រាំក្បាល និងឈ្មោលមួយក្បាល។

(លោក ស៊ូ សេន ពេលកំពុងដើរឃ្វាលពពែរបស់គាត់)

លោកឲ្យដឹងថាដោយក្នុងមួយឆ្នាំពពែអាចបង្ករកំណើតបានពីរដង ចំណួនពពែរបស់លោកបានកើនដល់៥០ក្បាលនាពេលនេះ ដោយមិនគិតពីការលក់ដូចនាពេលកន្លងមកនោះទេ។ លោកឲ្យដឹងទៀតថាពពែអាចលក់បាននៅអាយុពីប្រាំទៅប្រាំខែ ហើយថាក្នុងមួយគីឡូក្រាមបានតម្លៃពីម៉ឺនរៀន និងពពែមួយអាចមានទម្ងន់ពី១៥ទៅ២០គីឡូក្រាម៊ លោកបន្តថាៈ «វាជាសត្វងាយបន្តពូជ ហើយសាយកូនច្រើន មួយឆ្នាំកូនពីរដង...ហើយដើរឃ្លាលវាបែបនេះដូចជាយើងដើរលំហែរដែរ»។

(សត្វពពែកំពុងដើរស៊ីស្មៅនៅតាមមាត់ប្រឡាយ)

ចំណែកលោក ម៉េត ម៉ាត់ កសិករចិញ្ចឹមពពែខ្មែរឲស្លាមម្នាក់ទៀតដែរ ឲ្យដឹងថាចិញ្ចឹមពពែស្រួលជាងចិញ្ចឹមគោ ឬក្របី ដោយថាពពែអាចមានកូនញឺក និងមិនបាច់រកចំណីច្រើនដូចសត្វគោ និងក្របី ហើយមានទីផ្សារលក់បានស្រួលទៀតផង។

លោកបន្ថែមៈ «វាស្រួលជាងចិញ្ចឹមគោ ក្របី ហើយលក់បានលឿនចំណេញជាងចិញ្ចឹមគោ ក្របី»។ លោកឲ្យដឹងថាឈ្មួយបានមកទិញពពែនេះសម្រាប់ភោជនីដ្ឋាននៅក្នុងខេត្ត និងខ្លះបានដឹកមកលក់នៅភ្នំពេញ៕

អត្ថបទដោយ៖ ជិន វេន