តួ រ៉ាំបូ Sylvester Stallone នឹងក្លាយជាអ្នកដឹកនាំក្នងរឿងអស្ចារ្យ១

2017-10-10 08:37:25
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីធ្លាប់បានបង្ហាញរូបថតមួយដែលលោកបានសរសេរព្រាងប៉ារូលសម្រាប់រឿង "Creed 2” នោះពេលនេះលោកប្រកាសថានឹងជាអ្នកដឹកនាំនិងផលិតរឿងនេះហើយ។ មិនត្រឹមតែប៉ុណ្ណោះលោកក៏ត្រលប់មកសម្ដែងជាតួអង្គ Rocky ទៀតផង។

រូបភាពបង្ហាញពីប៉ារូលរឿង "Creed 2"

រឿង "Creed” គឺជារឿងដំបូងដែលបានដាក់បញ្ចាំងកាលពីឆ្នាំ ២០១៥ ជារឿងមួយធ្វើឲ្យលោកទទួលបានឈ្មោះដណ្ដើមពាន "Best Supporting Actor” ក្នុងកម្មវិធីប្រគល់ពានអូស្ការផងដែរ។

តារារូបនេះបានបង្ហោះរូបថតរបស់ខ្លួននិងតារាសម្ដែង Michael B. Jordan លើបណ្ដាញសង្គម Instagram ជាមួយនឹងពាក្យពេចន៍សរសេរថា៖ "រំពឹងថានឹងដឹកនាំ ព្រមទាំងផលិតរឿង Creed 2 ដែលជារឿងរបស់តារាសម្ដែងដ៏មានទេពកោសល្យម្នាក់គឺ Michael B Jordan នៅឆ្នាំក្រោយ... មួយទឹកទៀត!”។ លោកសរសេរថាមួយទឹកទៀតគឺដោយសារតែរឿង "Creed" គឺនិយាយពីកីឡាករប្រដាល់។

រូបភាពលោក Stallone បង្ហោះលើ Instagram

ហើយនេះក៏មិនជាលើកទី១ទេ ដែលតារារូបនេះបានក្លាយជាអ្នកដឹកនាំរឿងនោះ លោកក៏ធ្លាប់សរសេរប៉ារ៉ូលនិងដឹកនាំរឿងពីមុនៗ មុនរឿង "Creed” ៦ដងរួចមកហើយដូចជារឿង "Rocky II”, “Rocky III”, “Rocky IV”, និង "Rocky Balboa”៕