អបអរ! ឡូរ៉ាម៉ម ជាប់ជាបេក្ខនារីជម្រើសចុងក្រោយ ដើម្បីដណ្តើមពានស្ត្រីនៃអនាគត តំបន់អាស៊ាន

2017-11-08 08:27:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ សិល្បករ តន្ត្រីករសម័យ បែបរ៉ក់ និងជាតារាចម្រៀង អ្នកសរសេរបទចម្រៀង Original កញ្ញា ឡូរ៉ា ម៉ម បានជាប់ជាបេក្ខនារីក្នុងជម្រើសចុងក្រោយបំផុត ដើម្បីប្រកួតពានរង្វាន់ស្ត្រីនៃអនាគត ក្នុងអាស៊ីភាគអាគ្នេយ៏ ខាងផ្នែកសិល្បៈ និងវប្បធម៌។

នេះជាមោទនភាពមួយដែលកម្ពុជាមានសិល្បករឆ្នើមម្នាក់ ដូច កញ្ញា ឡូរ៉ា ចូលរួមប្រកួតប្រជែង និងបង្ហាញពីទេពកោសល្យសិល្បៈឱ្យបានដល់បរទេស។ កញ្ញា ឡូរ៉ា បានបង្ហាញសារលើហ្វេសប៊ុករបស់ខ្លួនថា ៖ «ខ្ញុំរីករាយណាស់ ដោយថ្ងៃនេះ ខ្ញុំបានទទួលដំណឹងដ៏ល្អបំផុតមួយ។ ខ្ញុំបានជាប់ជាបេក្ខនារីក្នុងជម្រើសចុងក្រោយបំផុត សម្រាប់ជាជយលាភីម្នាក់ ដែលអាចទទួលពានរង្វាន់ ស្ត្រីនៃអនាគត ក្នុងអាស៊ីភាគអាគ្នេយ៍ ខាងផ្នែកសិល្បៈ និង វប្បធម៌។ ខ្ញុំពិតជាមានកិត្តិយស និងមានមោទនភាពខ្លាំងណាស់ ក្នុងការធ្វើជាតំណាងឱ្យប្រទេសកម្ពុជា ចូលការប្រកួតប្រជែងជាមួយស្ត្រី ក្នុងអាស៊ីភាគអាគ្នេយ៍ដ៏ឆ្នើម។»

កម្មវិធី ស្ត្រីនៃអនាគត រៀបចំឡើងដើម្បីបង្ហាញស្នាដៃលេចធ្លោ និងភាពល្បីល្បាញខាងផ្នែកសិល្បៈ វប្បធម៌សង្គម និងពាណិជ្ជកម្ម។ ក្រៅពី កញ្ញា ឡូរ៉ា ក៏មាន បេក្ខនារីខ្មែរជាច្រើនរូបផ្សេងទៀតដែលបានជាប់ជំរើសចុងក្រោយក្នុងការប្រកួតប្រជែងពានរង្វាន់ស្ត្រីនៃអនាគត ក្នុងអាស៊ីភាគអាគ្នេយ៏ ផងដែរ។ បើនេះតាម ឡូរ៉ាម៉ម បង្ហាញក្នុងសាររបស់ខ្លួន។

«ខ្ញុំសូមអបអរសាទរ និង សូមជូនសំណាងល្អ ចំពោះបេក្ខនារីខ្មែរទាំងអស់ដែលត្រូវបានជ្រើសរើសជាបេក្ខនារីចុងក្រោយរបស់កម្ពុជាដូចជាមាន៖ ជ័យច័ន្ទកេត្យា កូយសូដានី យឹមរាដេត Dr.ពៅរតនា សុទ្ធចន្ថា កុងសូរីតា សូគុន្ធី មនសារួត សុខស៊ីគៀង និង ឡាវមីសែល។ ជយោកម្ពុជា»។

ចុចអាន

-របាំខ្មែរមួយប្រភេទដែលបរទេសស្គាល់ច្រើន និងសរសើរមិនដាច់ពីមាត់

-មិនធម្មតាទេ! រឿង"មុនដំបូងខ្មែរក្រហមសម្លាប់ប៉ារបស់ខ្ញុំ" លើកពានធំ១នៅហូលីវូដ(វីដេអូ)

-ស្រាយមន្ទិលអាយុពិត ពេជ្រ ថៃ ចេញមកហើយ

អត្ថបទ៖ Sunny