ខឹងដាក់ស៊ុបឲ្យតិចពេក ស្ត្រីម្នាក់គប់ថង់ស៊ុបក្ដៅទៅអ្នកលក់ បណ្ដាលឲ្យរបួសជាទម្ងន់ (វីដេអូ)

2017-11-10 14:05:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយខឹងអ្នកលក់ដាក់ស៊ុបឲ្យតិចពេក ស្ត្រីវ័យក្មេងម្នាក់បានគប់ថង់ស៊ុបទៅកាន់អ្នកលក់ បណ្ដាលឲ្យរងរបួសរលាកជាទម្ងន់។ ហេតុការណ៍នេះបានកើតឡើងនាពេលម្សិលមិញ ក្នុងទីក្រុង ឈៀងមៃ ប្រទេសថៃ ហើយបានចុះផ្សាយ និងចែកចាយសន្ធឹកសន្ធាប់ក្នុងបណ្ដាញសង្គមថៃ។

ស្ត្រីរងគ្រោះជាអ្នកលក់ មានឈ្មោះ Kham Loongtah វ័យ ២៦នាក់ បានរងរបួសរលាកត្រង់ផ្នែក ក និងទ្រូង បន្ទាប់ត្រូវបានគប់នឹងថង់ស៊ុបដែលមានកំពុងកម្ដៅក្ដៅ ដោយស្ត្រីវ័យក្មេងម្នាក់មិនស្គាល់អត្តសញ្ញាណ។ ស្ត្រីរងគ្រោះ បាននិយាយថា ដំបូងឡើយ ស្ត្រីដៃដល់នោះបានមកកុម្ម៉ង់ខ្ចប់ម្ហូប Khanom Chin Nam Ngiao (នំបញ្ឆុកលាយជាមួយស៊ុបហឹរសាច់ជ្រូក)។

ពេលដែលខ្ចប់ហើយ ស្ត្រីដៃដល់បានទារឲ្យដាក់ទឹកស៊ុបក្នុងថង់ធំ ហើយថែមទឹកស៊ុបឲ្យបានច្រើនជាងនេះ ប៉ុន្តែស្ត្រីរងគ្រោះជាអ្នកលក់មិនព្រមដោយបញ្ជាក់ថាមានតែថង់ទំហំប៉ុណ្ណឹង។ ខឹងថង់ស៊ុបតូចពេក ស្ត្រីវ័យជាជនដៃដល់នោះក៏បានគប់ថង់នោះទៅកាន់ ស្ត្រីរងគ្រោះជាអ្នកលក់តែម្ដងទៅ។ បន្ទាប់ពីហេតុការណ៍នេះកើតរួច មិត្តប្រុសស្ត្រីដៃដល់បានចូលខ្លួនមកសម្របសម្រួល និងធានាដឹកស្ត្រីឈ្មោះ Kham ដែលជាជនរងគ្រោះទៅមន្ទីរពេទ្យ ប៉ុន្តែដោយភ័យពេកនឹងព្រឹត្តិការណ៍ទើបនឹងកើតពេក ស្ត្រីរងគ្រោះរូបនោះបដិសេធ។ ចុងក្រោយ ស្ត្រីឈ្មោះ Kham បានទៅមន្ទីរពេទ្យដោយខ្លួនឯង ប៉ុន្តែស្ត្រីដៃដល់ និងមិត្តប្រុសជាអ្នកចេញថ្លៃព្យាបាល ដែលសរុបទាំងអស់គឺ ១០០០០ បាត (ជាង ៣០០ដុល្លារសហរដ្ឋអាមេរិក)។ បើទោះជាដូច្នេះក៏ដោយ ក៏ស្ត្រីរងគ្រោះឈ្មោះ Kham មិនសុខចិត្តបញ្ចប់រឿងត្រឹមប៉ុណ្ណឹងឡើយដោយបន្តដាក់ពាក្យបណ្ដឹងទៅប៉ូលិស ដើម្បីចាត់ការស្ត្រីដៃដល់តាមផ្លូវច្បាប់៕

ទស្សនាវីដេអូ៖