ការស្រឡាញ់អន្ទងចិត្ត ចាន់ សីហា ឲ្យចូលប្រឡូកគុនខ្មែរវិញ
- 2017-11-21 06:50:39
- ចំនួនមតិ 0 | ចំនួនចែករំលែក 0
ការស្រឡាញ់អន្ទងចិត្ត ចាន់ សីហា ឲ្យចូលប្រឡូកគុនខ្មែរវិញ
ចន្លោះមិនឃើញ
អ្នកប្រដាល់ជនជាតិបារាំងដែលស្រឡាញ់គុនខ្មែរ ចាន់ សីហា ថានឹងចូលប្រឡូកវិស័យកីឡាប្រដាល់វិញ ក្រោយពីខកខានជាច្រើនឆ្នាំ ព្រោះថានេះជាអ្វីដែលខ្លួនចូលចិត្ត។
កីឡាករ ចាន់ សីហា បានឲ្យដឹងថា គេនឹងចូលប្រឡូកក្នុងវិស័យកីឡាប្រដាល់វិញ ព្រោះនៅពេលបន្តិចទៀត វ័យកាន់តែចាស់ទៅមិនអាចឡើងប្រកួតបាននោះទេ។ អាចថាមកពីនិស្ស័យ ឬចំណូលចិត្តក៏ថាបានដែរ ទើបចិត្តមិនដាច់ពីប្រភេទកីឡាឈឺខ្លួនមួយនេះ។
ជនជាតិបារាំងរូបនេះបន្តថា ប្រកួតលើកទី១នៅប៉ះកីឡាករ ម៉ានូអ៊ែល កាលពីថ្ងៃសៅរ៍ ទី១៨ កន្លងទៅ ហាក់ដូចជាពិបាកបន្តិចដែរ ព្រោះខានឡើងសង្វៀនយូរណាស់ហើយ ដូច្នេះវ៉ៃគាំៗ និងកម្លាំងរៀងហត់បន្តិចនៅទឹកទី៤។ បើទោះជាហត់ និងដូចជាចាប់ផ្ដើមឡើងវិញក៏ដោយ តែកីឡាករវ័យ២៦ឆ្នាំរូបនេះ ថាមិនអីនោះទេ ព្រោះមិនបានឡើងវ៉ៃមែន តែលោកបានហ្វឹកហាត់ជាប្រចាំ ហើយការវិលមកកាន់សង្វៀនគុនខ្មែរលើកនេះ អាចនឹងមានកេរ្តិ៍ឈ្មោះល្បីឡើងវិញដោយសារការខំប្រឹងហ្វឹកហាត់ដូចសព្វថ្ងៃ។
កីឡាករ ចាន់ សីហា មកពីក្លឹបប្រដាល់ ប្រកួតគុនខ្មែរ គេបោះបង់សង្វៀនតាំងពី ឆ្នាំ២០១៤ មកម្ល៉េះ ទើបតែឡើងប្រកួតវិញហើយផ្ដួលកីឡាករ ម៉ានូអ៊ែល យកពានរង្វាន់បាយ័ន កាលពីថ្ងៃសៅរ៍ កន្លងទៅនេះទៀតផង៕