មកចេះតិចនិក Print ឯកសារ PDF តាម iPhone ដែលកម្រមានអ្នកដឹង

2017-11-22 02:59:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនបើអ្នកទទួលបានសំបុត្រអ្វីមួយតាមអ៊ីមែល ឬមានឯកសារអ្វីមួយលើគេហទំព័រ អ្នកប្រហែលជាចង់បោះពុម្ព (Print) ជាប្រភេទ PDF ដើម្បីមានភាពងាយស្រួលប្រើប្រាស់តាមគោលបំណងណាមួយ។ ឧទាហរណ៍៖ អ្នកអាចមាន File PDF នៃសំបុត្រយន្តហោះក្នុងទូរសព្ទ ដើម្បីបញ្ជាក់ថាអ្នកបានទិញ នៅប្រលានយន្តហោះបាន។

របៀប Print ពី iPhone, iPad ឬ iPod touch ដោយប្រើប្រាស់ AirPrint

បើកឯកសារ ឬរូបភាព អ្នកចង់ Print។
ចុចប៊ូតុង Share ក្នុងកម្មវិធី ហើយចុច Print។
អ្នកនឹងឃើញផ្ទាំងមួយឲ្យអ្នកជ្រើសរើស Printer ហើយ Print preview បង្ហាញនៅក្រោមនេះ។
ប្រើ 3D Touch ក្នុងទំព័រណាមួយជាលក្ខណៈ Preview ឬប្រើម្រាមដៃពីរចុចដូចពេលពង្រីក។
វានឹងបង្ហាញអ្នកនូវ Preview នៃ PDF ហើយអ្នកអាចចុចប៊ូតុង Share នៅខាងក្រោមផ្នែកខាងឆ្វេង។
អ្នកអាចចែករំលែកទៅកាន់កម្មវិធីណាមួយបាន។

វិធីងាយស្រួលបំផុតក្នុងការរក្សាទុកនូវឯកសារទាំងនេះក្នុង Local (ទុកលើ Device ងាយស្រួលប្រើ)គឺ Add ឯកសារទៅកាន់ iCloud Drive។

ប្រសិនបើអ្នកមិនឃើញមានប៊ូតុង Print នោះទេ មានន័យថាកម្មវិធីមិនមានប្រើ AirPrint នោះទេ។ ដូច្នេះអ្នកអាចចម្លងនូវឯកសារ អ្នកត្រូវការ Print លើកម្មវិធីណាមួយដែលអាចប្រើ AirPrint ដូចជា Safari, Notes ឬ Photos របស់ Apple ហើយ Print ទៅកាន់ Pdf។ មួយវិញទៀត អ្នកអាចប្រើកម្មវិធីផ្សេង ដូចជា Printer Pro (ត្រូវទិញ) ក្រោយដំឡើង អ្នកអាចធ្វើតាមបែបបទដូចខាងក្រោម។

បើក File អ្នកចង់ Print
ចុចលើប៊ូតុង Share
ចុចលើ Print with Printer Pro
វានឹងបើកនូវកម្មវិធី Printer Pro ហើយចុចលើប៊ូតុងពណ៌ខៀវលើអេក្រង់ ដែលជា Add Printer
ចុចលើ PDF Printer
ចុងលើប៊ូតុង Print ពណ៌ខៀវខាងក្រោម

Printer Pro នឹងបម្លែងឯកសារ ទៅជា PDF ហើយរក្សាទុកក្នុងកម្មវិធី។ អ្នកអាចចូលប្រើ ដោយបើកកម្មវិធី Printer Pro ចុចលើ Documents ហើយ PDF នឹងបង្ហាញមក ដូច្នេះអ្នកអាចងាយស្រួលបញ្ជូនទៅកាន់កម្មវិធីផ្សេងៗ ដូចជា Dropbox ជាដើម ដោយចុចលើ icon Share ហើយចុចលើ Open in៕