ស្អែកកុំភ្លេចទៅសាលាតិចណូ បើចង់ទិញកុំព្យូទ័រធូរថ្លៃ និងឃើញបច្ចេកវិទ្យាទំនើបៗ

2017-12-01 07:52:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃ ២ ខែធ្នូ ស្អែកនេះ ជាការបើកព្រឹត្តិការណ៍តាំងបង្ហាញផលិតផលបច្ចេកវិទ្យាធំបំផុតក្នុងព្រះរាជាណាចក្រកម្ពុជាសម្រាប់ឆ្នាំ ២០១៧ មានឈ្មោះ DIGITEKH (ឌីជីថិក) ដែលប្រព្រឹត្តទៅក្នុងបរិវេណវិទ្យាស្ថានបច្ចេកវិទ្យាកម្ពុជា (សាលាតិចណូ)។

DIGITEKH (ឌីជីថិក) ប្រារព្ធឡើងរយៈពេលពីរថ្ងៃ គឺ ២ - ៣ ធ្នូ ឆ្នាំ ២០១៧ ចាប់ពីម៉ោង ៨ ព្រឹក ដល់ ៦ ល្ងាច។ មានការចូលរួមតាំងបង្ហាញផលិតផលថ្មីៗ និងទំនើបៗពីក្រុមហ៊ុនបច្ចេកវិទ្យាឈានមុខក្នុងប្រទេសកម្ពុជាប្រមាណ ៤០ ដែលនឹងធ្វើឲ្យអ្នកចូលរួមប្លែកភ្នែក ហើយដក់ជាប់អារម្មណ៍ជាក់ជាមិនខាន។

កុំព្យូទ័រ ស្មាតហ្វូន កាមេរ៉ា គ្រឿងអេឡិចត្រូនិក និងសេវាកម្មបច្ចេកវិទ្យាជាច្រើនប្រភេទ នឹងមានលក់បញ្ចុះតម្លៃយ៉ាងពិសេសមិនធ្លាប់មាន សម្រាប់អ្នកចូលរួមក្នុងព្រឹត្តិការណ៍តាំងបង្ហាញផលិតផលបច្ចេកវិទ្យាធំជាងគេក្នុងប្រទេសកម្ពុជា ដែលរៀបចំឡើងដោយក្រុមហ៊ុន Sabay Digital Plus ។

ក្រៅពីការលក់បញ្ចុះតម្លៃយ៉ាងពិសេស និងបានស្គាល់នូវបច្ចេកវិទ្យាថ្មីៗដែលកំពុងមានវត្តមានក្នុងព្រះរាជាណាចក្រកម្ពុជា អ្នកមកទស្សនានឹងមានឱកាសទទួលបានវត្ថុអនុស្សាវរីយជាច្រើនពីកម្មវិធីដែលចូលរួមមិនគិតថ្លៃខាងលើនេះ៕