Sergio Roberto៖ Barcelona ពិតជាចង់លេងប៉ះជាមួយ Chelsea
- 2017-12-12 12:12:00
- ចំនួនមតិ 0 | ចំនួនចែករំលែក 0
Sergio Roberto៖ Barcelona ពិតជាចង់លេងប៉ះជាមួយ Chelsea
ចន្លោះមិនឃើញ
ខ្សែបម្រើ Sergio Roberto កាលពីពេលថ្មីៗនេះបាននិយាយថា Barcelona ពិតជាចង់លេងប៉ះជាមួយក្លឹបតោខៀវ Chelsea ក្នុងវគ្គ ១៦ក្រុមចុងក្រោយនៃក្របខ័ណ្ឌ Champions League។
កីឡាករពហុជំនាញ Roberto បាននិយាយថា៖ **"តាមពិតទៅ ឱកាសដែលយើងនឹងត្រូវលេងជាមួយ Chelsea គឺមានធំណាស់"។** កីឡាករសញ្ជាតិអេស្ប៉ាញរូបនេះ បានបន្តទៀតថា៖ **"ប៉ុន្តែពួកយើងពិតជាចង់លេងប្រកួតហ្នឹងណាស់។** ពួកយើងដឹងថា ក្នុងវគ្គជម្រុះនៃការប្រកួតប្រជែងធំៗដូច្នេះ គូប្រកួតនីមួយៗសុទ្ធខ្លាំង។ ដូច្នេះ យើងមានតែរង់ចាំការប្រកួតអ៊ីចឹងៗមកដល់ ដើម្បីខំប្រឹងឲ្យអស់ពីសមត្ថភាពយើងដើម្បីឈ្នះ"។
ការថ្លែងនេះធ្វើឡើង បន្ទាប់ពី Barcelona ត្រូវបានចាប់ឆ្នោត ឲ្យលេងប៉ះជាមួយ Chelsea ក្នុងវគ្គ ១៦ក្រុមចុងក្រោយនៃ UCL ដែលនឹង ប្រព្រឹត្តិទៅនៅខែកុម្ភៈខាងមុខ។
ដោយឡែកកាលពីសប្ដាហ៍មុន អ្នកចាំទីរបស់ក្លឹបតោខៀវ Thibaut Courtois បាននិយាយថា Barcelona មិនចង់ជួបទេ Chelsea ក្នុងវគ្គ ១៦ក្រុមនេះ ដោយក្លឹបខ្លួននឹងប្រឹងគ្រប់យ៉ាងដើម្បីឈ្នះឡើងទៅវគ្គបន្ទាប់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
