តួ "Wolverine” នឹងមិនត្រលប់មកសម្ដែងតួនេះវិញទេ ទោះបី Disney ទិញ Fox ក៏ដោយ

2017-12-14 08:19:10
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងជើងចាស់លោក Hugh Jackman ធ្លាប់បោះសម្ដីថាលោកនឹងអាចត្រលប់មកសម្ដែងជាតួអង្គនេះម្ដងទៀត ប្រសិនជាក្រុមហ៊ុនយក្ស Disneyទិញសិទ្ធិគ្រប់គ្រងសែស្រឡាយរឿង X-Men ពីក្រុមហ៊ុនផលិតរឿង 21st បានសម្រេចពិតប្រាកដ។

លោកធ្លាប់និយាយដូច្នេះប្រាប់សារព័ត៌មាន Collider ថា៖ "វាពិតជាគួរឲ្យចាប់អារម្មណ៍ ពីព្រោះក្នុងរយៈ១៧ឆ្នាំមកហើយ ខ្ញុំតែងតែគិតថាគំនិតនេះគឺពិតជាអស្ចារ្យ។ ខ្ញុំចង់ឃើញ Iron Man, Hulk និង Wolverine សម្ដែងក្នុងសាច់រឿងជាមួយគ្នា។ រាល់ពេលដែលខ្ញុំបានមានមើលរឿង "Avenger” ខ្ញុំតែងតែស្រមើស្រមៃថា Wolverine ឈរនៅកណ្ដាលពួកគេជាពិសេសឈុតឆាកវាយប្រហារទាំងនោះ។"

លោកបានបន្តទៀតថា៖ "ប៉ុន្តែក្នុងពេលនោះ លោកគិតថាវាមិនអាចនឹងកើតឡើងនោះទេ។ ស្រាប់តែខ្ញុំបានឃើញចំណងជើងព័ត៌មានដែលអាចដឹងពីរឿងអ្វីនឹងអាចកើតឡើងឆាប់ៗនេះ។ ពេលនោះខ្ញុំស្រាប់តែភាំងអារម្មណ៍, ខ្ញុំបានគិតពីវា, ប៉ុន្តែសម្រាប់ពេលនេះខ្ញុំបានសម្រេចចិត្តរួចទៅហើយ ថាឈប់សម្ដែងជាតួអង្គនេះជាផ្លូវការ ប៉ុន្តែសង្ឃឹមថានឹងមានតារាសម្ដែងថ្មីជំនួសតំណែង Wolverine នេះ។"

លោក Jackman ធ្លាប់បានបង្ហាញអារម្មណ៍បែបនេះ ខណៈលោកសម្ដែងជាតួអង្គ Wolverine នេះ ប៉ុន្តែក្រោយពីលោកសម្ដែងរឿងចុងក្រោយ "Logan” កាលពីដើមឆ្នាំនេះលោកបានស៊ីញេបោះបង់កុងត្រាចំពោះការដើរតួជាតួអង្គនេះជារៀងរហូត។

គិតមកដល់ពេលនេះលោកបានសម្ដែងជា Wolverine ក្នុងភាពយន្ត X-Men មិនតិចជាង១០វគ្គនោះទេ៕

អានអត្ថបទ៖

ប្រភព៖ comicbook ប្រែសម្រួល៖ ធារ៉ូ