ត្បឹតតែ​ម្ហូប​អាហារ​បរទេស​កំពុង​វាយ​លុក​ខ្លាំង​ក្នុងសង្គម​ខ្មែរ​ច្រើន​ក្ដី ក៏ប្រជាពលរដ្ឋ​ខ្មែរ​មួយចំនួន​នៅតែមិនភ្លេច​នំបញ្ចុកខ្មែរ

"នំបញ្ចុក​" គឺ​ជា​មុខ​ម្ហូប​មួយ​ប្រភេទ ​​ដែល​ប្រជាពលរដ្ឋ​ខ្មែរ​និយម​ចូលចិត្ត ដែល​វា​កើត​ឡើង​ដោយ​ការ​​រួម​ផ្សំ​អំពី​ភោគ​ផល​ ដែល​មាន​សម្បូរ​ហូរ​ហៀរ​នៅ​ក្នុង​ប្រទេស​ពិតៗ សម្រាប់​ជា​ម្ហូបអាហារ​គ្រាន់​សម្រាប់​បំពេញ​ក្រពះ​ផង​ និង ​មាន​នៅ​ក្នុង​ពិធី​ជប់​លៀង​ផ្សេង​ៗ​ផង​នៅ​ក្នុង​សង្គម​ខ្មែរ​នា​ពេល​បច្ចុប្បន្ន​នេះ​​។ ជាទូទៅ​នំបញ្ចុក​ មាន​ជីរ​ជាតិ​សំខាន់​ច្រើន​យ៉ាង​ ដោយ​សារ​គ្រឿង​ផ្សំ​ផ្សេងៗ​ដទៃ​ទៀត​ដូចជា៖​ មាន​ទឹក​សម្ល​​ និង ​របោយ​បន្លែ​ ​ទៅ​តាម​ចំណង់​ចំណូលចិត្ត​របស់​មនុស្ស​ម្នាក់ៗ និង ​តាម​តំបន់​នីមួយៗ។