LG ប្រកាសចេញស្មាតហ្វូនថ្មីមួយ អ្នកគាំទ្រឃើញស្រងាកចិត្តស្ដូក!

2018-02-27 03:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

LG អត់មានអីប្លែកខ្លាំងទេ ជាមួយនឹង V30S ThinQ ក្រៅពីបង្កើន RAM និងបច្ចេកវិទ្យា AI

LG ធ្លាប់តែលេចធ្លោកាលនៅព្រឹត្តិការណ៍ Mobile World Congress (MWC) ដោយ(ឆ្នាំ ២០១៦) មាន LG G5 (ឆ្នាំ ២០១៧) LG G6 ប៉ុន្តែនៅឆ្នាំ ២០១៨ នេះបែរជាបង្ហាញវត្តមាន LG V30S ThinQ។

V30S ប្រើប្រព័ន្ធប្រតិបត្តិការ Android Oreo មានការរចនារូបរាងដូចទៅនឹង V30, ប្រើប្រព័ន្ធកាមេរ៉ាភ្លោះដូចគ្នា អេក្រង់ ១៨:៩ ដូចគ្នា, ថ្ម ៣ ៣០០mAh ដូចគ្នា និង Processor ប្រភេទ Snapdragon ៨៣៥ ដូចគ្នា។

អ្វីដែលថ្មីគឺ មេម៉ូរី ដោយ V30S កើន RAM ពី ៤GB ទៅ ៦GB និងមានជម្រើសរវាង ៦៤GB ឬ ១២៨GB ទៅ ១២៨GB ឬ២៥៦GB។ ទូរសព្ទមកជាមួយពណ៌ថ្មីពីរ ប្រផេះ (Platinum Grey) និង ខៀវ (Moroccan Blue)។

LG ផ្ដល់ការពន្យល់ពីវត្តមាន V30S នេះដោយគិតពីការបញ្ចូលបច្ចេកវិទ្យា AI ទៅកាន់ទូរសព្ទ ជាមួយនឹង AI Cam ថ្មី។

AI Cam និងរាល់បណ្ដាលកម្មវិធីផ្សេងៗលើ V30S គ្រាន់តែជាកំណែទម្រង់បន្ថែមលើទូរសព្ទ V30 ដូច្នេះមិនមានហេតុផលប្រើ Hardware ថ្មីនោះទេ។

ព្រឹត្តិការណ៍ MWC ឆ្នាំនេះ ចំណុចធំរបស់ LG គឺកំណែទម្រង់កម្មវិធីនេះឯង។ AI Cam ទទួលបានសិទ្ធពី EyeEm ជា Tool មួយហៅថា EyeEm Vision ខណៈអ្នកផលិតទូរសព្ទដទៃទៀត ក៏ទទួលបានសិទ្ធប្រើប្រាស់ដោយឥតគិតថ្លៃផងដែរ។ ប្រព័ន្ធ Machine-learning របស់វា បានបង្វឹកលើរូបភាព ១០០ លានរូបរួចមកហើយ។ AI Cam ផលិតពណ៌បានយ៉ាងល្អ។

លើកាមេរ៉ា V30S មាន Bright Mode ថ្មី ដែលបន្សំ Pixels បួនទៅជាមួយ ក្នុងការផលិតរូបភាពភ្លឺស្អាតក្នុងស្ថានភាពងងឹត។

LG V30S ThinQ នឹងដាក់លក់ដំបូងនៅក្នុងប្រទេសកូរ៉េ នៅពីរបីសប្ដាហ៍ក្រោយ ហើយបន្តពង្រីកទីផ្សារកាន់តែធំក្នុងខែមីនា។

វីដេអូ៖