ចោលសិល្បៈប្រមាណជិត ១០ឆ្នាំ សេន រ៉ានុត ទើបចេញបទថ្មីយប់មិញពីរោះរណ្ដំ

2018-03-28 03:44:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយបានចោលសិល្បៈក្នុងស្រុកប្រមាណជិត ១០ឆ្នាំ ទៅរស់ប្រទេសគេនោះ ពេលនេះ លោក សេន រ៉ានុត ទើបបានបញ្ចេញបទចម្រៀងថ្មីពីសហរដ្ឋអាមេរិកមកជាប្រភេទ Original Song។

បទនោះ មានចំណងជើងថា "ក្រោយខ្នងបង អូនយំប៉ុន្មានដងហើយ" ជាបទមនោសញ្ចេតនាស្នេហាដែលភាគីខាងប្រុសត្អូញថ្ងូរអាណិតខាងស្រី ដែលជ្រុលស្រឡាញ់ខ្លួន។ បទចម្រៀងពីទឹកដីសហរដ្ឋអាមេរិកនេះ ម្ចាស់បទ “ចិត្តខ្លែង” អះអាងថា សម្រាប់ប្រិយមិត្តអ្នកគាំទ្រលោកទាំងអស់ ដែលខកខានស្ដាប់សំនៀងលោកជាយូរមកហើយ។

"សូមផ្ញើជូនបងៗ នឹងប្អូនៗទាំងអស់គ្នាស្ដាប់លេងកម្សាន្ត និងបងប្អូនដែលនៅនឹករលឹកដល់រូបខ្ញុំ ” រ៉ានុត ថ្លែង។

នេះជាបទថ្មីទៀតរបស់លោក បន្ទាប់ពី "ប្រុសស្រឡាញ់ប្រុស" ចេញពីឆ្នាំ ២០១៧ ដែលលោកអះអាងថា ជាអ្វីដែលពីការនឹករលឹករបស់លោកចំពោះសិល្បៈខ្មែរ ក្រោយដកខ្លួនទៅរស់នៅស្រុកគេជិត១០ឆ្នាំ។ ដូច្នេះហើយ ទំនេរពីការងារ លោកក៏ឆ្លៀតនិពន្ធបទចម្រៀងខ្លះ ទុកច្រៀងចែកជូនប្រិយមិត្តអ្នកគាំទ្រស្ដាប់កម្សាន្តទាំងអស់គ្នាតែម្ដង។

តោះ...ស្ដាប់ទាំងអស់គ្នា!

អត្ថបទ៖ ទារិកា